dsc-215:1 · narrativehigh
Source
ܡܺܐܡܪܳܐ ܕܥܶܣܪܺܝܢ ܘܰܬܡܳܢܝܳܐ ܕܥܰܠ ܢܰܦܫܳܐ ܕܒܰܪܢܳܫܳܐ ܕܠܳܐ ܗܘܳܬ ܕܡܳܐ
ܢܺܐܡܰܪ ܕܶܝܢ ܥܰܠ ܫܰܪܒܳܐ ܕܕܳܪܫܺܝܢ ܐ̱ܢܳܫܳܐ ܕܪܽܘܚܳܐ ܒܪܺܝܬܳܐ ܐܺܝܬ ܒܶܗ ܒܒܰܪܢܳܫܳܐ ܘܢܰܦܫܳܐ ܒܪܺܝܬܳܐ. ܘܥܳܒܕܺܝܢ ܠܳܗ ܠܢܰܦܫܶܗ ܕܒܰܪܢܳܫܳܐ ܕܡܳܐ ܐܰܝܟ ܕܚܰܝ̈ܘܳܬܳܐ: ܘܒܶܗ ܠܰܡ ܒܦܰܓܪܳܐ ܡܳܝܬܳܐ ܢܰܦܫܳܐ ܘܢܳܦܩܳܐ ܪܽܘܚܳܐ ܟܰܕ ܚܰܝܳܐ. ܡܚܰܘܶܝܢܰܢ ܕܶܝܢ ܕܠܳܐ ܡܳܝܬܳܐ ܢܰܦܫܳܐ ܥܰܡ ܦܰܓܪܳܐ ܐܶܠܳܐ ܟܰܕ ܚܰܝܳܐ ܢܳܦܩܳܐ ܡܶܢܶܗ. ܕܬܶܬܺܝܕܰܥ ܕܗܳܝ ܢܰܦܫܳܐ ܡܶܬܩܰܪܝܳܐ ܒܰܙܒܰܢ ܪܽܘܚܳܐ ܘܒܰܙܒܰܢ ܢܰܦܫܳܐ. ܘܦܰܓܪܳܐ ܘܢܰܦܫܳܐ ܗܳܘܶܐ ܒܰܪ ܐ̱ܢܳܫܳܐ ܡܶܢ ܟܝܳܢ ܒܪܺܝܬܶܗ ܒܰܠܚܽܘܕ: ܘܪܽܘܚܳܐ ܕܩܽܘܕܫܳܐ ܕܰܐܠܳܗܳܐ ܕܳܐܬܝܳܐ ܥܳܡܪܳܐ ܒܶܗ: ܐܶܡܰܬܝ ܕܢܳܛܰܪ ܦܽܘܩܕ̈ܳܢܶܐ ܕܒܳܪܽܘܝܶܗ: ܐܰܝܟܰܢ ܕܡܶܢ ܝܰܘܡܳܐ ܩܰܕܡܳܝܳܐ: ܟܰܕ ܒܪܳܐ ܐܰܠܳܗܳܐ ܦܰܓܪܶܗ ܘܢܰܦܫܶܗ ܕܳܐܕܳܡ. ܗܳܝܕܶܝܢ ܢܦܰܚ ܒܶܗ ܡܶܢ ܪܽܘܚܶܗ ܕܩܽܘܕܫܳܐ ܘܟܶܢ ܗܘܳܐ ܐܳܕܳܡ ܠܰܢܦܶܫ ܚܰܝܳܐ. ܐܶܡܰܪ ܓܶܝܪ ܐܶܫܰܥܝܳܐ: ܕܰܒܪܳܐ ܪܽܘܚܶܗ ܕܒܰܪܢܳܫܳܐ ܒܓܰܘܶܗ. ܘܠܳܐ ܐܶܡܰܪ ܕܰܢܦܰܚ: ܕܢܰܘܕܰܥ ܕܡܰܦܽܘܚܺܝܬܳܐ ܡܶܢ ܪܽܘܚܳܐ ܗ̱ܝ ܕܡܳܪܝܳܐ ܘܠܰܘ ܒܪܺܝܬܳܐ ܗ̱ܝ: ܐܰܝܟ ܕܳܐܦ ܝܳܕܥܺܝܢܰܢ ܝܰܘܡܳܢܳܐ: ܕܶܐܡܰܬܝ ܕܪܽܘܚܶܗ ܕܡܳܪܝܳܐ ܠܰܝܬ ܒܒܰܪ ܐ̱ܢܳܫܳܐ ܡܰܣܠܰܝ ܗ̱ܽܘ: ܐܰܝܟ ܕܶܐܡܰܪ ܦܰܘܠܳܘܣ. ܐܶܡܰܬܝ ܕܶܝܢ ܕܥܳܡܪܳܐ ܒܶܗ ܗܳܝ ܡܰܦܽܘܚܺܝܬܳܐ: ܗܳܝܕܶܝܢ ܗܳܘܶܐ ܢܦܶܫ ܚܰܝܳܐ: ܐܰܝܟ ܕܰܒܗܰܘ ܝܰܘܡܳܐ ܕܰܢܦܰܚ ܒܶܗ ܡܳܪܝܳܐ ܟܰܕ ܒܪܳܝܗ̱ܝ: ܐܰܝܟܰܢ ܕܰܢܦܰܚ ܡܳܪܰܢ ܪܽܘܚܶܗ ܒܰܐܦ̈ܶܐ ܕܬܰܠܡܺܝܕ̈ܰܘܗ̱ܝ: ܕܢܶܗܘܽܘܢ ܐܰܝܟ ܕܺܐܝܬܰܘܗ̱ܝ ܗ̱ܘܳܐ ܐܳܕܳܡ ܥܰܕ ܠܳܐ ܢܶܚܛܶܐ.
English
Memra 28: On the Fact That the Human Soul is Not Identical With the Blood
He speaks, then, concerning the nature of the disputants: the spirit is a creation that exists in the human being, and the soul is a creation. And they make the soul of the human being blood, like that of the animals; and by this, when the body dies, the soul goes out and the spirit departs while it is alive. They show, then, that the soul does not die with the body, but while it is alive it goes out from it. So that it may be known that this soul is sometimes called spirit and sometimes soul. And body and soul constitute the human being from his natural creation alone; and the Holy Spirit of God comes and dwells in him when he keeps the commandments of his Creator, as from the first day, when God created the body and soul of Adam. Then he breathed into him from his Holy Spirit, and Adam became a living soul. For Isaiah said: "He created the spirit of the human being within him." And he did not say "he breathed," to indicate that the insufflation is from the Spirit of the Lord and is not a creation, as also the knowledgeable ones know: that when the Spirit of the Lord is not in the human being, he is despised, as Paul said. When, however, that insufflation dwells in him, then he becomes a living soul, as on the day when the Lord breathed into him when he created him, just as the Lord breathed his Spirit upon the faces of his disciples, so that they might become as Adam was before he sinned.
dsc-215:2 · narrativehigh
Source
ܡܶܛܽܠ ܕܟܽܠ ܐܶܡܰܬܝ ܕܚܳܛܶܐ ܐܳܕܳܡ ܘܝܰܠ̈ܕܰܘܗ̱ܝ ܡܫܰܢܝܳܐ ܠܳܗ ܡܶܢܗܽܘܢ ܗܳܝ ܡܰܦܽܘܚܺܝܬܳܐ ܕܺܐܝܬܶܝܗ ܪܽܘܚܳܐ ܕܰܐܠܳܗܳܐ: ܘܶܐܡܰܬܝ ܕܬܳܝܒܺܝܢ ܐܳܬܝܳܐ ܥܳܡܪܳܐ ܒܗܽܘܢ ܒܟܽܠܢܳܫ ܐܰܟܘܳܬܶܗ: ܐܰܝܟ ܟܰܝܠܳܐ ܕܡܰܘ̈ܗܒܳܬܶܗ ܕܰܡܫܺܝܚܳܐ: ܡܰܘܗ̈ܒܳܢ ܡܰܘ̈ܗܒܳܢ܀ ܐܺܝܬ ܕܪܰܒܳܐ ܡܰܘܗܰܒܬܶܗ ܘܺܐܝܬ ܕܰܙܥܽܘܪܝܳܐ ܐܰܝܟ ܡܫܽܘܚܬܶܗ. ܘܰܐܝܟ ܕܣܳܦܶܩ ܪܶܥܝܳܢܶܗ ܕܰܢܩܰܒܶܠ: ܗܳܟܰܢ ܝܳܗܶܒ ܠܶܗ ܡܳܪܰܢ. ܐ̱ܢܳܫܳܐ ܗܳܟܺܝܠ ܕܺܐܝܬ ܒܗܽܘܢ ܩܰܠܺܝܠ ܡܶܢ ܪܽܘܚܳܐ ܕܩܽܘܕܫܳܐ: ܠܳܐ ܡܰܣܠܶܝܢ ܐܳܦܠܳܐ ܓܡܺܝܪܺܝܢ ܘܰܡܫܰܡܠܶܝܢ. ܐܶܠܳܐ ܓܶܝܪ ܡܳܐ ܕܶܐܬܡܠܺܝ ܡܳܐܢܳܐ ܕܢܰܦܫܶܗ ܕܒܰܪܢܳܫܳܐ ܡܶܢ ܪܽܘܚܳܐ ܕܰܐܠܳܗܳܐ: ܠܳܐ ܫܳܩܶܠ ܠܳܗ ܠܟܽܠܳܗ ܗܳܝ ܡܰܦܽܘܚܺܝܬܳܐ ܕܡܶܢ ܒܪܺܝܫܺܝܬ ܘܗܳܘܶܐ ܢܦܶܫ ܚܰܝܳܐ. ܘܗܳܕܳܐ ܗ̱ܝ ܡܰܘܗܰܒܬܳܐ ܕܰܡܠܶܐ ܡܶܢܳܗ ܒܰܪܢܳܫܳܐ ܘܠܰܝܬ ܒܳܗ ܚܽܘܣܪܳܢܳܐ ܡܶܕܶܡ: ܕܡܶܬܩܰܪܝܳܐ ܪܽܘܚܳܐ ܦܰܪܰܩܠܺܝܛܳܐ. ܘܡܶܢ ܐܰܝܡܶܟܳܐ ܝܳܕܥܺܝܢܰܢ ܕܰܡܩܰܒܶܠ ܠܳܗ ܒܰܪܢܳܫܳܐ؟ ܡܶܢ ܗܳܕܶܐ ܕܠܰܝܬ ܒܶܗ ܒܽܘܨܳܪ̈ܶܐ ܘܰܡܠܶܐ ܟܽܠܗܶܝܢ ܛܳܒ̈ܳܬܳܐ ܘܝܳܕܰܥ ܟܽܠܶܗ ܫܪܳܪܳܐ. ܐܰܝܟ ܡܶܠܬܶܗ ܕܡܳܪܰܢ: ܕܰܡܫܰܕܰܪ ܐ̱ܢܳܐ ܠܟܽܘܢ ܪܽܘܚܳܐ ܦܰܪܰܩܠܺܝܛܳܐ ܕܗܽܘ ܢܰܘܕܰܥܟܽܘܢ ܟܽܠܶܗ ܫܪܳܪܳܐ. ܡܶܚܕܳܐ ܗܳܟܺܝܠ ܕܰܡܩܰܒܶܠ ܒܰܪܢܳܫܳܐ ܡܰܘܗܰܒܬܳܐ ܪܰܒܬܳܐ ܕܺܐܝܬܶܝܗ ܦܰܪܰܩܠܺܝܛܳܐ: ܝܳܕܰܥ ܟܽܠܶܗ ܫܪܳܪܳܐ ܘܰܡܫܰܪܶܐ ܠܡܺܐܪܰܒ: ܘܰܠܡܶܥܩܰܪ ܟܽܠܗܽܘܢ ܒܽܘܨܳܪ̈ܰܘܗ̱ܝ: ܘܒܶܗ ܒܦܰܪܰܩܠܺܝܛܳܐ ܡܶܬܓܡܰܪ ܘܡܶܫܬܰܡܠܶܐ ܒܟܽܠܗܶܝܢ ܛܳܒ̈ܳܬܳܐ ܘܰܡܫܰܡܶܫ ܒܪܽܘܚ: ܘܗܳܘܶܐ ܐܰܝܟ ܨܶܒܝܳܢܶܗ ܕܡܳܪܰܢ ܓܡܺܝܪܳܐ ܘܰܡܩܰܒܠܳܐ܀
English
Because whenever Adam and his children sin, that breath of the Spirit of God is withdrawn from them. And when they repent, the Spirit comes and dwells in them again, just as before, according to the measure of the gifts of Christ. Gifts, gifts. Some have a great gift, and some a small one, according to their worthiness. And according to the capacity of the recipient's mind, so does the giver give to him. Therefore, the breath that is in them is a little less than the Holy Spirit: it does not cease, nor is it complete and perfect. For when the vessel of the person's soul is filled with the Spirit of God, it does not take in all of that breath which from the beginning was and becomes a living soul. And this is the gift that fills the person from it, and there is no deficiency in it at all, which is called the Paraclete Spirit. And from where do we know that the person receives it? From this: that there are no deficiencies in him, and he is filled with all goods, and knows all truth. According to the word of the Lord: "I will send you the Paraclete Spirit, who will teach you all truth." Immediately, then, when the person receives the great gift which is the Paraclete, he knows all truth and begins to grow, and to uproot all his deficiencies; and through the Paraclete he is completed and perfected in all goods, and serves in spirit, and becomes according to the will of the Lord, complete and receptive.
dsc-215:3 · narrativehigh
Source
ܪܽܘܚܳܐ ܕܶܝܢ ܕܩܽܘܕܫܳܐ ܡܰܘܗ̈ܒܳܬܳܐ ܣܰܓܺܝ̈ܐܳܬܳܐ ܐܺܝܬܶܝܗ: ܘܪܰܒܳܐ ܡܰܘܗܰܒܬܳܐ ܡܶܢ ܡܰܘܗܰܒܬܳܐ. ܘܶܐܢ ܛܳܢܺܝܢ ܐܰܢ̱ܬܽܘܢ ܠܰܡ ܒܡܰܘ̈ܗܒܳܬܳܐ ܪܰܘܪ̈ܒܳܬܳܐ: ܐܶܚܰܘܶܝܟܽܘܢ ܡܰܘܗܰܒܬܳܐ ܕܪܰܒܳܐ ܡܶܢ ܟܽܠܗܶܝܢ. ܚܳܙܶܐ ܐܰܢ̱ܬ ܕܺܐܝܬ ܗ̱ܽܘ ܡܶܕܶܡ ܕܰܡܝܰܬܰܪ ܡܶܢ ܡܶܕܶܡ. ܚܕܳܐ ܗ̱ܝ ܕܶܝܢ ܪܽܘܚܳܐ ܕܰܐܠܳܗܳܐ ܕܩܽܘܕܫܳܐ ܘܦܰܪܰܩܠܺܝܛܳܐ. ܘܡܶܛܽܠ ܕܢܰܘܕܰܥ ܡܰܘܗ̈ܒܳܬܳܐ ܪܰܘܪ̈ܒܳܬܳܐ ܡܶܢ ܕܰܩܕ̈ܩܳܬܳܐ: ܩܳܪܶܐ ܪܽܘܚܳܐ ܦܰܪܰܩܠܺܝܛܳܐ ܘܪܽܘܚܳܐ ܕܩܽܘܕܫܳܐ: ܗܳܝ ܕܡܶܢ ܡܰܘܗܰܒܬܳܐ ܪܰܒܬܳܐ ܡܶܬܓܡܰܪ ܡܰܢ ܕܰܡܩܰܒܶܠ ܠܳܗ. ܗܳܠܶܝܢ ܕܶܝܢ ܡܰܘܗ̈ܒܳܬܳܐ ܕܰܩܕ̈ܩܳܬܳܐ ܠܳܐ ܡܶܬܓܰܡܪܺܝܢ ܡܩܰܒ̈ܠܳܢܰܝܗܶܝܢ: ܡܶܛܽܠ ܕܚܰܣܺܝܪܺܝܢ ܐܶܢܽܘܢ. ܘܶܐܠܳܐ ܐܶܬܳܬ ܗܳܝ ܡܰܘܗܰܒܬܳܐ ܪܰܒܬܳܐ: ܠܳܐ ܡܠܶܝܢ: ܐܶܠܳܐ ܟܽܠܢܳܫ ܐܰܝܟ ܥܒ̈ܳܕܰܘܗ̱ܝ ܘܰܐܝܟ ܡܰܘܗܰܒܬܶܗ ܗܳܟܰܢ ܝܳܪܶܒ ܒܝܰܘܡܶܗ ܕܡܳܪܰܢ. ܣܠܶܩܬ ܠܰܡ ܠܰܡܪܰܘܡܳܐ ܘܰܫܒܰܝܬ ܫܒܺܝܬܳܐ ܘܝܰܗ̱ܒܬ ܡܰܘܗ̈ܒܳܬܳܐ ܠܰܒܢܰܝ̈ܢܳܫܳܐ. ܚܳܙܶܐ ܐܰܢ̱ܬ ܕܡܰܘܗ̈ܒܳܬܳܐ ܣܰܓܺܝ̈ܐܳܬܳܐ ܐܺܝܬܰܝܗܶܝܢ܀ ܠܰܘ ܗܳܟܺܝܠ ܕܡܳܐ ܐܺܝܬܶܝܗ ܢܰܦܫܳܐ: ܐܶܠܳܐ ܢܳܦܩܳܐ ܡܶܢ ܦܰܓܪܳܐ ܘܟܶܢ ܡܳܐܶܬ. ܘܶܐܢ ܐܺܝܬ ܒܳܗ ܪܽܘܚܳܐ ܕܩܽܘܕܫܳܐ ܒܳܗ ܐܳܙܳܠ̱ܐ ܠܒܶܝܬ ܚܰܝ̈ܶܐ ܠܰܐܘܨܪ̈ܶܐ ܕܢܽܘܗܪܳܐ. ܘܶܐܢ ܠܰܝܬ ܒܳܗ ܪܽܘܚܳܐ ܕܩܽܘܕܫܳܐ ܗܺܝ ܒܰܠܚܽܘܕܶܝܗ ܢܳܦܩܳܐ ܡܶܢ ܦܰܓܪܳܐ. ܟܰܕ ܚܛܳܐ ܕܶܝܢ ܐܳܕܳܡ ܐܶܫܬܰܩܠܰܬ ܡܶܢܶܗ ܗܳܝ ܡܰܦܽܘܚܺܝܬܳܐ ܘܟܶܢ ܛܥܶܡ ܡܰܘܬܳܐ܀ ܐܶܡܰܪ ܗܳܟܺܝܠ ܡܳܪܰܢ: ܕܶܐܢ ܬܪ̈ܶܝܢ ܡܶܢܟܽܘܢ ܢܶܫܬܘܽܘܢ ܒܰܐܪܥܳܐ ܘܢܶܛܪܽܘܢ ܡܶܠܰܝ̈: ܟܽܠ ܨܒܽܘ ܕܢܶܫܶܐܠܽܘܢ ܒܰܨܠܽܘܬܳܐ ܘܰܢܗܰܝܡܢܽܘܢ ܟܰܕ ܢܳܛܪܺܝܢ ܡܶܠܰܝ̈: ܢܶܣܒܽܘܢ.
English
The Spirit of the Holy Spirit is many gifts, and one gift is greater than another. And if you wish, I will show you by the great gifts: I will show you a gift greater than all of them. See that there is something that surpasses something. It is one, then, the Spirit of God the Holy Spirit and the Paraclete. And because it knows the great gifts from the small ones, it calls the Spirit Paraclete and the Spirit of the Holy Spirit, that which from the great gift is perfected with the one who receives it. But these small gifts are not perfected by their recipients, because they are deficient. And unless that great gift comes, they are not filled, but each one according to his works and according to his gift, so he increases on the day of his Lord. I ascended for you to the height and left a remnant and gave gifts to the seekers. See that there are many gifts. Not, then, is it the soul, but a departure from the body, and it also dies. And if there is in it the Spirit of the Holy Spirit, it goes to the house of life, to the treasuries of light. And if there is not in it the Spirit of the Holy Spirit, it alone departs from the body. When Adam sinned, that which gives breath was taken from him, and he also tasted death. Say, then, my Lord: If two of you go down into the earth and keep my words, all of you who wish, ask in prayer and believe, while you keep my words, you will receive.
dsc-215:4 · narrativemedium
Source
ܕܺܐܝܬܰܝܗܽܘܢ ܗܳܠܶܝܢ ܬܪ̈ܶܝܢ: ܒܰܪܢܳܫܳܐ ܕܰܠܓܰܘ ܘܒܰܪܢܳܫܳܐ ܕܰܠܒܰܪ ܕܡܶܫܬܘܶܝܢ ܒܰܢܛܽܘܪܽܘܬ ܦܽܘܩܕ̈ܳܢܶܐ: ܘܫܳܐܠܺܝܢ ܘܫܳܩܠܺܝܢ ܡܰܘܗ̈ܒܳܬܳܐ ܕܪܽܘܚܳܐ ܕܩܽܘܕܫܳܐ ܡܶܢ ܐܰܠܳܗܳܐ: ܘܡܶܬܥܰܪܒܳܐ ܒܗܽܘܢ ܘܩܳܐܶܡ ܒܰܪܢܳܫܳܐ ܒܰܬܠܺܝܬܳܝܽܘܬܳܐ ܘܚܳܝܶܐ. ܘܶܐܢ ܐ̱ܢܳܫ ܐܳܡܰܪ: ܕܶܐܢ ܐܺܝܬ ܗ̱ܘܳܐ ܒܶܗ ܒܳܐܕܳܡ ܪܽܘܚܳܐ ܕܰܐܠܳܗܳܐ: ܐܰܝܟܰܢ ܫܒܰܪ ܗ̱ܘܳܐ ܘܠܳܐ ܐܰܠܶܦܬܶܗ ܕܠܳܐ ܢܶܫܬܡܰܥ ܠܒܺܝܫܳܐ: ܘܰܐܛܥܝܶܗ ܘܠܳܐ ܝܺܪܶܒ ܐܰܝܟ ܕܶܐܡܰܪ ܠܶܗ؟ ܐܶܡܪܰܬ ܠܶܗ ܓܶܝܪ ܪܽܘܚܳܐ ܕܩܽܘܕܫܳܐ ܕܺܐܝܬܶܝܗ ܡܳܪܝܳܐ ܒܝܰܘܡܳܐ ܕܶܐܬܒܪܺܝ: ܕܶܐܢ ܬܶܐܟܽܘܠ ܡܶܢ ܗܳܢܳܐ ܐܺܝܠܳܢܳܐ ܡܰܘܬܳܐ ܬܶܛܥܰܡ. ܗܳܢܰܘ ܕܶܝܢ ܠܰܡ: ܐܶܢ ܬܶܥܒܰܪ ܥܰܠ ܦܽܘܩܕܳܢܳܐ ܘܬܶܫܬܡܰܥ ܠܣܳܛܳܢܳܐ ܡܰܘܬܳܐ ܬܶܛܥܰܡ. ܚܙܰܝܬ ܐܰܝܟܰܢ ܐܰܠܶܦܬܶܗ ܪܽܘܚܳܐ ܘܠܳܐ ܨܒܳܐ ܕܢܶܬܛܦܺܝܣ ܠܳܗ ܐܰܝܟܰܢܳܐ ܕܡܰܠܦܳܐ ܠܰܢ ܕܺܝܠܰܢ ܘܠܳܐ ܨܳܒܶܝܢܰܢ ܕܢܶܫܡܥܳܗ ܘܳܐܙܺܠ̱ܝܢܰܢ ܒܳܬܰܪ ܤܳܛܳܢܳܐ: ܘܡܰܛܥܶܐ ܠܰܢ ܒܫ̈ܽܘܘܕܳܝܶܐ ܕ̈ܰܓܳܠܶܐ ܒܗܳܝ ܕܡܽܘܬܳܐ ܕܳܐܕܳܡ܀ ܐܺܝܬ ܬܽܘܒ ܐ̱ܢܳܫܳܐ ܕܗܳܢܰܘ ܗܰܘܢܳܐ ܕܰܠܒܰܪ ܐܺܝܬ ܠܗܽܘܢ: ܘܡܰܕܥܳܐ ܒܰܪܳܝܳܐ ܘܪܶܓܫܬܳܐ ܒܰܪܳܝܬܳܐ ܘܛܰܥܡܳܐ ܒܰܪܳܝܳܐ ܘܛܶܟܣܳܐ ܒܰܪܳܝܳܐ. ܘܣܽܘܟܳܠܳܐ ܒܰܪܳܝܳܐ ܕܒܰܪܢܳܫܗܽܘܢ ܕܰܠܒܰܪ. ܘܺܐܝܬ ܕܰܕܗܳܢܰܐ ܗ̱ܘ ܥܳܠܡܳܐ ܪܓܺܝܫܺܝܢ ܘܝܳܕܥܺܝܢ ܘܗܳܪܟܰܐ ܗ̱ܘ ܒܗܳܠܶܝܢ ܕܡܶܬܚ̈ܰܙܝܳܢ ܛܥܺܝܡܺܝܢ ܘܰܡܛܰܟܣܺܝܢ ܘܣܰܟ̈ܽܘܠܬܳܢܺܝܢ. ܘܣܳܟܳܐ ܗܳܠܶܝܢ ܕܠܳܐ ܚܳܙܶܝܢ ܘܠܳܐ ܫܳܡܥܺܝܢ ܘܠܳܐ ܡܶܣܬܰܟܠܺܝܢ: ܗܰܘ ܡܶܕܶܡ ܕܠܳܐ ܡܶܫܟܰܚ ܦܰܓܪܳܐ ܘܒܶܣܪܳܐ ܫܳܡܰܥ ܘܚܳܙܶܐ.
English
that these are two: the inner human and the outer human, who are established in the order of the commandments, and they ask and receive the gifts of the Spirit of the Holy Spirit from God, and are mingled with them, and the human stands in the third state and lives. And if someone says: Was there in Adam the Spirit of God? How did he err and not teach him not to listen to the evil one, and he led him astray and he did not increase as he said to him? For the Spirit of the Holy Spirit, who is the Lord, said to him on the day he was created: If you eat from this tree, you will taste death. But this one: If you transgress the commandment and listen to Satan, you will taste death. You see how the Spirit taught him and he did not wish to be persuaded by her, just as a teacher teaches you who are yours and you do not wish to hear her and you go after Satan, and he leads you astray with the deceits of liars in that likeness of Adam. There are also other humans who have this outer sense, and an external mind and an external perception and an external taste and an external order. And an external understanding of their outer human. And there are those who in this world are perceptive and knowing, and here they are among those who are seen, they taste, they order, and they understand. And the sum of these who do not see, do not hear, and do not understand: that which the body and flesh cannot hear and see.
dsc-215:5 · narrativehigh
Source
ܠܰܘ ܥܰܝ̈ܢܶܐ ܘܶܐܕ̈ܢܶܐ ܓܰܘ̈ܳܝܳܬܳܐ ܘܣܽܘܟܳܠܳܐ ܓܰܘܳܝܳܐ ܠܰܝܬ ܠܗܽܘܢ: ܐܶܠܳܐ ܡܥܰܘܳܪܽܘ ܡܥܰܘܪ̈ܳܢ ܠܰܚܛܺܝܬܳܐ. ܘܰܡܣܰܟܪ̈ܳܢ ܡܶܢ ܠܓܰܘ. ܘܥܰܠ ܗܳܝ ܠܳܐ ܚܳܙܶܐ ܗܰܘ ܒܰܪܢܳܫܳܐ ܘܠܳܐ ܫܳܡܰܥ ܟܰܣ̈ܝܳܬܳܐ. ܘܰܐܝܟܰܢܳܐ ܕܡܰܢ ܕܰܡܣܰܪܚܺܝܢ ܗܳܠܶܝܢ ܗܰܕܳܡܰܘ̈ܗ̱ܝ ܕܡܶܬܚܙܶܝܢ: ܠܳܐ ܡܶܫܟܰܚ ܚܳܙܶܐ ܘܫܳܡܰܥ ܘܡܶܣܬܰܟܰܠ ܗܳܠܶܝܢ ܕܡܶܬܚ̈ܰܙܝܳܢ ܕܺܐܝܬ ܒܗܳܢܳܐ ܥܳܠܡܳܐ: ܗܳܟܰܢܳܐ ܐܳܦ ܡܰܢ ܕܰܡܣܰܪܚܺܝܢ ܗܳܠܶܝܢ ܗܰܕܳܡܰܘ̈ܗ̱ܝ ܓܰܘ̈ܳܝܶܐ ܠܰܚܛܺܝܬܳܐ: ܠܳܐ ܡܶܫܟܰܚ ܚܳܙܶܐ ܘܫܳܡܰܥ ܘܡܶܣܬܰܟܰܠ: ܠܗܳܠܶܝܢ ܕܺܐܝܬܰܝܗܶܝܢ ܡܶܢ ܗܰܘ ܥܳܠܡܳܐ ܕܰܫܪܳܪܳܐ ܘܠܳܐ ܡܶܬܚ̈ܰܙܝܳܢ܀ ܗܳܠܶܝܢ ܕܶܝܢ ܗܰܕܳܡ̈ܶܐ ܕܡܶܬܚܙܶܝܢ ܗܳܟܰܢ ܡܶܣܬܰܪܚܺܝܢ: ܐܰܘ ܡܶܢ ܐܰܠܳܗܳܐ ܐܰܘ ܡܶܢ ܒܢܰܝ̈ܢܳܫܳܐ ܒܺܝܫ̈ܶܐ ܐܰܘ ܡܶܢ ܤܳܛܳܢܳܐ ܐܰܘ ܒܰܩܛܺܝܪܳܐ ܐܰܘ ܒܦܽܘܪ̈ܣܶܐ ܐܰܘ ܡܶܛܽܠ ܕܗܳܟܘܳܬ ܦܳܩܚܳܐ ܠܶܗ ܠܗܰܘ ܒܰܪܢܳܫܳܐ. ܒܰܩܛܺܝܪܳܐ ܕܶܝܢ ܡܶܛܽܠ ܕܡܳܚܶܐ ܐ̱ܢܳܫ ܠܚܰܒܪܶܗ ܘܣܳܪܰܚ ܠܶܗ. ܒܦܽܘܪ̈ܣܶܐ ܕܶܝܢ ܡܶܛܽܠ ܕܥܳܒܶܕ ܠܶܗ ܚܶܪܫܳܐ ܘܰܡܚܰܒܶܠ ܠܶܗ. ܡܶܢ ܒܺܝܫܳܐ ܕܶܝܢ ܡܶܣܬܪܰܚ ܡܶܛܽܠ ܕܡܶܫܬܡܰܥ ܠܶܗ. ܡܶܢ ܐܰܠܳܗܳܐ ܕܶܝܢ: ܐܶܡܰܬܝ ܕܡܶܬܪܕܶܐ ܡܶܣܬܪܰܚ: ܡܶܛܽܠ ܕܗܳܟܘܳܬ ܦܳܩܚܳܐ ܠܶܗ. ܗܳܠܶܝܢ ܕܶܝܢ ܗܰܕ̈ܳܡܶܐ ܕܰܠܓܰܘ ܗܳܟܘܳܬ ܡܶܫܟܚܺܝܢ ܡܶܣܬܰܪܚܺܝܢ ܡܶܢ ܒܺܝܫܳܐ: ܐܶܡܰܬܝ ܕܝܳܗܶܒ ܠܶܗ ܒܰܪܢܳܫܳܐ ܡܰܫܡܰܥܬܶܗ ܘܳܐܙܶܠ ܒܳܬܰܪ ܝܽܘܠܦܳܢܶܗ. ܐܳܦ ܒܰܪܢܳܫܳܐ ܗܳܟܰܢ ܡܶܫܟܰܚ ܣܳܪܰܚ ܠܗܰܕܳܡ̈ܶܐ ܕܢܰܦܫܳܐ: ܐܶܢ ܨܒܳܬ ܢܰܦܫܳܐ ܕܬܶܛܦܺܝܣ ܣܰܪܚܳܗ ܒܝܽܘܠܦܳܢܶܗ ܒܺܝܫܳܐ.
English
the eyes, the ears, the inner organs, and the inner thought have no [perception of these things]; rather, they are stirred up and set in motion toward sin. And they do not see or hear the hidden things. And just as when those visible limbs of his are stirred up, he cannot see, hear, or perceive those things that are visible in this world, so also when those inner limbs of his are stirred up toward sin, he cannot see, hear, or perceive those things that exist from that world of truth and are not visible. Those visible limbs, then, are stirred up either from God or from evil men or from Satan, either by a blow or by drugs, or because the human being himself so wills. By a blow, because one man strikes his fellow and stirs him up. By drugs, because it makes him deaf and injures him. From an evil [man], he is stirred up because he listens to him. From God, when he is chastised, he is stirred up, because he himself so wills. Those inner limbs, then, can be stirred up from an evil [man] when the human being gives him his attention and goes after his evil teaching. The human being, too, can stir up the limbs of the soul, if the will of the soul chooses to stir up its evil teaching.
dsc-215:6 · narrativehigh
Source
ܒܝܽܘܠܦܳܢܳܐ ܓܶܝܪ ܒܺܝܫܳܐ ܡܶܫܟܰܚ ܒܰܪܢܳܫܳܐ ܕܢܶܣܪܽܘܚ ܠܗܰܕܳܡ̈ܶܐ ܕܰܠܓܰܘ: ܐܰܘ ܐܶܢ ܗ̱ܽܘ ܕܡܰܗܡܶܐ ܡܳܪܰܢ ܥܰܝ̈ܢܰܘܗ̱ܝ ܒܕܽܘܟܳܐ: ܘܢܳܟܶܐ ܒܰܪܢܳܫܳܐ ܒܚܶܪ̈ܫܶܐ ܠܚܰܕ ܡܶܢ ܪ̈ܶܓܫܶܝܗ ܕܢܰܦܫܳܐ. ܘܰܐܠܳܗܳܐ: ܡܶܛܽܠ ܕܰܥܬܺܝܕ ܗ̱ܽܘ ܕܰܢܕܽܘܢ ܐܶܢܽܘܢ ܠܰܒܢܰܝ̈ܢܳܫܳܐ: ܠܳܐ ܡܣܰܪܰܚ ܗܰܕܳܡ̈ܶܐ ܕܰܠܓܰܘ. ܐܶܢܕܶܝܢ ܡܶܣܬܰܪܚܺܝܢ ܕܰܠܒܰܪ: ܕܰܠܓܰܘ ܗܳܘܶܝܢ ܢܳܛܪܺܝܢ ܦܽܘܩܕ̈ܳܢܰܘܗ̱ܝ. ܐܶܢ ܕܶܝܢ ܐܺܝܬ ܐ̱ܢܳܫ ܕܰܐܠܳܗܳܐ ܡܣܰܪܰܚ ܗܰܕܳܡܰܘ̈ܗ̱ܝ ܓܰܘ̈ܳܝܶܐ: ܠܳܐ ܕܳܐܶܢ ܠܶܗ ܒܝܰܘܡܳܐ ܕܕܺܝܢܳܐ: ܡܶܛܽܠ ܕܙܰܕܺܝܩ ܗ̱ܽܘ ܕܺܝܢܶܗ: ܕܠܳܐ ܢܕܽܘܢ ܠܒܰܪܢܳܫܳܐ ܟܰܕ ܠܳܐ ܝܰܗ̱ܒ ܠܶܗ ܥܰܝ̈ܢܶܐ ܘܶܐܕܢ̈ܶܐ ܘܣܽܘܟܳܠܳܐ ܘܡܰܕܥܳܐ ܕܢܶܕܥܶܗ ܘܢܶܣܬܰܟܠܶܗ܀ ܡܶܛܽܠ ܗܳܢܳܐ ܢܣܰܒ ܪܽܘܚܳܐ ܕܩܽܘܕܫܳܐ ܡܶܢ ܡܰܥܡܽܘܕܺܝܬܳܐ ܕܢܶܫܡܰܥ ܦܽܘܩܕ̈ܳܢܰܘܗ̱ܝ ܘܢܶܛܰܪ ܐܶܢܽܘܢ ܒܗܰܝܡܳܢܽܘܬܳܐ. ܥܒܰܕ ܐܰܠܳܗܳܐ ܬܪ̈ܶܝܢ ܥܳܠܡ̈ܺܝܢ ܘܬܰܪ̈ܬܶܝܢ ܬܶܫܡ̈ܫܳܢ ܕܡܶܢ ܗܳܕܶܐ ܕܡܶܬܚܰܙܝܳܐ ܬܶܬܚܙܶܐ ܗܳܝ ܕܠܳܐ ܡܶܬܚܰܙܝܳܐ. ܡܶܛܽܠ ܗܳܢܳܐ ܕܳܡܝܳܐ ܕܺܝܰܬܺܩܺܐ ܓܠܺܝܬܳܐ ܠܰܟܣܺܝܬܳܐ: ܘܕܳܡܝܳܐ ܥܺܕ̱ܬܳܐ ܓܠܺܝܬܳܐ ܠܰܟܣܺܝܬܳܐ: ܘܕܳܡܝܳܐ ܡܰܥܡܽܘܕܺܝܬܳܐ ܓܠܺܝܬܳܐ ܠܰܟܣܺܝܬܳܐ: ܘܕܳܡܝܳܐ ܡܺܐܟܽܘܠܬܳܐ ܓܠܺܝܬܳܐ ܠܰܟܣܺܝܬܳܐ: ܘܕܳܡܝܳܐ ܨܠܽܘܬܳܐ ܓܠܺܝܬܳܐ ܠܰܟܣܺܝܬܳܐ: ܘܕܳܡܶܐ ܡܰܕܒܚܳܐ ܓܰܠܝܳܐ ܠܟܰܣܝܳܐ: ܘܕܳܡܝ̈ܳܢ ܡܰܘܗ̈ܒܳܬܳܐ ܓܰܠ̈ܝܳܬܳܐ ܠܟܰܣ̈ܝܳܬܳܐ. ܘܣܳܟܳܐ ܕܟܽܠܡܶܕܶܡ ܕܳܡܝܳܐ ܬܶܫܡܶܫܬܳܐ ܕܺܐܝܬ ܒܰܐܪܥܳܐ ܠܬܶܫܡܶܫܬܳܐ ܕܺܐܝܬ ܒܰܫܡܰܝܳܐ.
English
For by means of evil training a person is able to stir up the inner organs, or if he is one who inflames his eyes in a place, and by training he deafens one of the senses of the soul. And God, because he is destined to judge living beings, does not stir up the inner organs. But if the outer ones are stirred up, the inner ones keep his commandments. If, however, there is a person whose inner organs God stirs up, he does not fear him on the day of judgment, because his judgment is just: that he did not judge a person when he did not give him eyes, ears, reason, and mind to know and understand him. For this reason, the Spirit of Holiness receives from the baptism of hearing his commandments and keeps them in faith. God made two worlds and two services, so that from this visible one, that invisible one may be seen. For this reason, the visible covenant is like the hidden one, and the visible church is like the hidden one, and the visible baptism is like the hidden one, and the visible Eucharist is like the hidden one, and the visible prayer is like the hidden one, and the visible altar is like the hidden one, and the visible gifts are like the hidden ones. And the purpose of everything is that the service which is on earth is like the service which is in heaven.
dsc-215:7 · narrativemedium
Source
ܘܡܶܛܽܠ ܕܠܳܐ ܐܰܕܪܶܟܘ ܒܢܰܝ̈ܢܳܫܳܐ ܠܗܳܝ ܫܡܰܝܳܢܺܝܬܳܐ: ܝܰܗ̱ܒ ܠܗܽܘܢ ܕܡܽܘܬܳܗ ܒܰܐܪܥܳܐ ܕܟܰܕ ܩܳܝܡܺܝܢ ܒܥܺܕ̱ܬܳܐ ܓܠܺܝܬܳܐ ܘܳܐܟܠܺܝܢ ܡܶܢ ܡܰܕܒܚܳܐ ܓܰܠܝܳܐ: ܚܰܝ̈ܶܐ ܕܰܠܥܳܠܰܡ ܢܶܗܘܽܘܢ ܒܥܺܕ̱ܬܳܐ ܟܣܺܝܬܳܐ ܕܒܰܫܡܰܝܳܐ. ܘܢܶܐܟܠܽܘܢ ܡܶܢ ܡܰܕܒܚܳܐ ܟܰܣܝܳܐ: ܬܶܫܡܶܫܬܳܐ ܕܠܳܐ ܡܶܬܡܰܠ̱ܠܳܐ: ܗܳܝ ܕܪܰܒܳܐ ܗ̱ܝ ܡܶܢ ܦܽܘܡܳܐ ܕܰܒܢܰܝ̈ܢܳܫܳܐ. ܘܕܳܡܝܳܐ ܗܳܝ ܬܶܫܡܶܫܬܳܐ ܓܠܺܝܬܳܐ ܠܰܟܣܺܝܬܳܐ: ܘܟܽܠ ܡܶܕܶܡ ܕܡܶܬܚܙܶܐ: ܛܽܘܦܣܰܐ ܗ̱ܘ ܕܡܶܕܶܡ ܕܠܳܐ ܡܶܬܚܙܶܐ: ܘܒܰܕܡܽܘܬܳܐ ܕܗܰܘ ܕܠܳܐ ܡܶܬܚܙܶܐ ܐܶܬܬܨܺܝܪ ܗܳܢܳܐ ܕܡܶܬܚܙܶܐ. ܘܡܶܢ ܕܡܽܘܬܶܗ ܕܗܳܢܳܐ ܡܶܕܶܡ ܕܡܶܬܚܙܶܐ: ܡܚܰܘܶܝܢ ܪ̈ܽܘܚܳܢܶܐ ܠܡܰܢ ܕܰܡܗܰܝܡܶܢ ܘܰܪܓܺܝܓ ܕܢܶܚܙܶܐ. ܗܳܠܶܝܢ ܠܰܡ ܕܡܶܬܚ̈ܰܙܝܳܢ ܐܶܡܰܪ ܫܠܺܝܚܳܐ: ܗܘܰܝ̈ ܡܶܢ ܗܳܠܶܝܢ ܕܠܳܐ ܡܶܬܚ̈ܰܙܝܳܢ. ܡܶܛܽܠ ܗܳܢܳܐ ܨܳܪ ܐܰܠܳܗܳܐ ܩܰܕܡܳܝ ܠܰܢܒܺܝ̈ܶܐ ܘܠܰܫܠ̈ܺܝܚܶܐ ܒܰܦܓܰܪ ܕܶܡܘ̈ܳܬܳܐ ܕܚܰܝ̈ܶܐ: ܘܟܶܢ ܚܰܘܺܝ ܠܗܽܘܢ ܒܪܽܘܚ ܬܰܦܢܟܳܐ ܡܫܰܠܡܳܢܳܐ܀ ܡܶܛܽܠ ܕܶܝܢ ܕܰܛܥܰܐܽܘܗ ܗ̱ܘܰܘ ܕܒܶܝܬ ܐܳܕܳܡ ܡܶܢ ܕܰܥܒܰܪܘ ܥܰܠ ܦܽܘܩܕܳܢܳܐ ܠܬܶܫܡܶܫܬܳܐ ܫܡܰܝܳܢܺܝܬܳܐ: ܕܰܐܝܟ ܡܰܠܰܐܟ̈ܶܐ ܥܰܡ ܡܰܠܰܐܟ̈ܶܐ ܡܫܰܡܫܺܝܢ ܗ̱ܘܰܘ: ܝܰܗ̱ܒ ܠܗܽܘܢ ܐܰܠܳܗܳܐ ܬܶܫܡܶܫܬܳܐ ܕܡܶܬܚܰܙܝܳܐ ܒܰܐܪܥܳܐ ܒܰܕܡܽܘܬܳܗ ܕܗܳܝ ܫܡܰܝܳܢܺܝܬܳܐ: ܕܠܳܐ ܢܺܐܒܕܽܘܢ ܠܗܽܘܢ ܟܽܠܟܽܠܶܗ. ܗܳܫܳܐ ܕܶܝܢ ܗܳܐ ܡܶܢ ܕܶܐܬܪܰܥܺܝ ܡܳܪܰܢ: ܟܽܠ ܡܰܢ ܕܰܪܓܺܝܓ ܡܶܢ ܒܢ̈ܰܝ ܐܳܕܳܡ ܕܰܢܫܰܡܶܫ ܒܰܫܡܰܝܳܐ ܒܪܽܘܚ: ܡܶܢܕܪܺܝܫ ܡܚܰܘܶܐ ܠܶܗ ܡܳܪܰܢ: ܗܳܢܰܘ ܕܶܝܢ ܠܡܰܢ ܕܫܳܡܰܥ ܡܶܠܰܘ̈ܗ̱ܝ ܘܫܳܒܶܩ ܠܳܗ ܠܰܐܪܥܳܐ ܘܰܠܟܽܠ ܕܡܶܬܚܙܶܐ ܠܒܶܣܬܪܶܗ: ܘܪܳܕܶܐ ܒܺܝܕܰܥܬܳܐ ܠܰܩܕܳܡܰܘܗ̱ܝ ܝܽܘܡ ܡܶܢ ܝܽܘܡ.
English
And because they were not able to attain that heavenly service in the flesh, He gave them its likeness on earth, so that while they stand in the visible church and eat from the visible altar, the eternal life would be theirs in the hidden church of heaven, and they would eat from the hidden altar—the service that cannot be spoken of, which is greater than the mouth of the flesh. And that visible service is similar to the hidden one, and everything that is seen is a type of that which is not seen. And in the likeness of that which is not seen, this visible thing was formed. And from the likeness of this visible thing, the spiritual ones show to those who believe and desire to see. These visible things, the Apostle said, are from those that are not seen. Because of this, God first formed for the prophets and apostles the forms of life in the body, and also showed them in spirit a perfect transformation. For because the children of Adam erred from the heavenly service when they transgressed the commandment—so that they had been serving like angels with angels—God gave them the visible service on earth in the likeness of that heavenly one, so that they would not lose their entire sustenance. Now, however, since the Lord has been moved, whenever someone desires from among the children of Adam to serve in heaven in spirit, the Lord again shows him that. But as for that one, when he hears his words and leaves the earth and everything visible behind him, and drives knowledge before him day by day.
dsc-215:8 · narrativehigh
Source
ܡܚܰܘܶܐ ܠܶܗ ܕܶܝܢ ܡܳܐ ܕܝܰܕܥܳܗ ܠܗܳܕܶܐ ܬܶܫܡܶܫܬܳܐ ܓܠܺܝܬܳܐ: ܠܗܳܝ ܬܶܫܡܶܫܬܳܐ ܟܣܺܝܬܳܐ ܘܰܫܡܰܝܳܢܺܝܬܳܐ܀ ܬܽܘܒ ܐܶܬܚܙܺܝ ܠܡܽܘܫܶܐ ܒܛܽܘܪܳܐ ܐܰܝܟ ܒܰܪܢܳܫܳܐ ܘܟܶܢ ܚܰܘܺܝ ܠܶܗ ܬܶܫܡܶܫܬܳܐ ܕܪܽܘܚܳܐ: ܘܗܳܝܕܶܝܢ ܝܺܕܰܥ ܕܰܢܫܰܡܶܫ ܒܪܽܘܚ ܘܢܶܚܙܶܐ ܫܽܘܒܚܶܗ ܕܡܳܪܝܳܐ ܐܰܚܺܝܕ ܟܽܠ ܐܰܝܟ ܕܰܟܬܺܝܒ: ܕܡܰܠܶܠ ܡܳܪܝܳܐ ܥܰܡ ܡܽܘܫܶܐ ܐܰܦܺܝ̈ܢ ܠܽܘܩܒܰܠ ܐܰܦܺܝ̈ܢ ܐܰܝܟ ܕܰܡܡܰܠܶܠ ܓܰܒܪܳܐ ܥܰܡ ܚܰܒܪܶܗ. ܐܶܡܰܪ ܠܶܗ ܬܽܘܒ: ܚܽܘܬ ܚܰܘܳܐ ܠܰܒܢܰܝ̈ ܐܺܝܣܪܳܐܶܝܠ ܒܰܐܪܥܳܐ ܦܰܓܪܳܢܳܝܬܳܐ ܟܽܠܡܶܕܶܡ ܕܚܰܘܺܝܬܳܟ: ܟܽܠܳܗ ܬܶܫܡܶܫܬܳܐ ܕܪܽܘܚܳܐ ܚܰܘܳܐ ܠܗܽܘܢ ܐܰܢ̱ܬ ܦܰܓܪܳܢܳܐܺܝܬ: ܐܰܝܟ ܕܚܰܘܺܝܬ ܠܳܟ ܐܶܢܳܐ ܒܛܽܘܪܳܐ ܪܽܘܚܳܢܳܐܺܝܬ: ܗܳܟܰܢܳܐ ܚܰܘܳܐ ܠܗܽܘܢ ܐܳܦ ܐܰܢ̱ܬ ܩܰܕܡܳܝ ܒܰܦܓܰܪ ܘܟܶܢ ܒܪܽܘܚ. ܠܰܐܝܠܶܝܢ ܕܨܳܒܶܝܢ ܕܰܢܫܰܡܫܽܘܢ ܒܡܰܫܟܢܳܐ ܫܡܰܝܳܢܳܐ ܐܰܠܶܦ ܐܶܢܽܘܢ ܕܰܢܫܰܡܫܽܘܢ ܒܰܫܡܰܝܳܢܳܐ. ܘܰܐܝܠܶܝܢ ܕܰܒܡܰܫܟܢܳܐ ܐܰܪܥܳܢܳܐ ܨܳܒܶܝܢ ܚܰܘܳܐ ܠܗܽܘܢ ܕܒܰܐܪܥܳܐ ܢܫܰܡܫܽܘܢ. ܚܙܰܝܬ ܐܰܝܟܰܢ ܚܰܘܺܝ ܠܗܽܘܢ ܡܳܪܰܢ ܠܰܢܒܺܝ̈ܶܐ ܟܽܠܗܽܘܢ ܐܰܝܟ ܒܰܪܢܳܫܳܐ: ܘܟܶܢ ܝܺܕܰܥܘ ܕܢܶܚܙܽܘܢ ܘܢܶܫܡܥܽܘܢ ܪܽܘܚܳܢܳܐܺܝܬ. ܥܳܡܕܺܝܢ ܗܳܟܺܝܠ ܝܰܘܡܳܢܳܐ ܓܡܺܝܪ̈ܶܐ ܐܰܝܟ ܕܰܒܡܰܚܙܺܝܬܳܐ: ܥܕܰܡܳܐ ܕܰܐܦܺܝ̈ܢ ܠܽܘܩܒܰܠ ܐܰܦܺܝ̈ܢ ܚܳܙܶܝܢ ܠܶܗ. ܘܥܰܠ ܠܒܽܘܫܳܐ ܘܣܰܝܒܳܪܬܳܐ ܕܰܣܢܺܝܩܺܝܢ ܓܡܺܝܪ̈ܶܐ: ܟܽܠܳܗ ܕܠܳܐ ܡܰܚܶܬ ܠܗܽܘܢ ܐܰܠܳܗܳܐ ܡܰܢ̱ܢܳܐ: ܡܶܛܽܠ ܕܢܺܐܚܽܘܢ ܒܗܽܘܢ ܟܺܐܢ̈ܶܐ ܥܳܒܕ̈ܰܝ ܙܶܕ̈ܩܳܬܳܐ. ܘܟܺܐܒ̈ܶܐ ܕܗܳܘܶܝܢ ܠܗܽܘܢ ܟܰܕ ܡܶܬܓܰܡܪܺܝܢ: ܡܶܛܽܠ ܕܢܶܬܡܰܟܟܽܘܢ ܘܠܳܐ ܢܶܬܬܪܺܝܡܽܘܢ. ܡܩܰܦܰܚ ܠܗܽܘܢ ܐܰܠܳܗܳܐ: ܘܒܳܥܶܝܢ ܠܶܗ ܘܡܶܬܐܰܣܶܝܢ.
English
He shows him, then, what he knows of this visible service: that hidden and heavenly service. Again, he appeared to Moses on the mountain as in a vision, and he showed him the service of the Spirit; and then he knew that he served in spirit and saw the glory of the Lord who holds all, as it is written: that the Lord spoke with Moses face to face, as a man speaks with his friend. He said to him again: Show to the children of Israel on the earthly earth everything that I have shown you; all the service of the Spirit show to them in a bodily manner, as I showed to you the vision on the mountain spiritually. Thus show to them also, you, first in body and then in spirit. To those who wish to serve in the heavenly tabernacle, teach them to serve in the heavens. And to those who wish in the earthly tabernacle, show them to serve on earth. You have seen how the Lord showed to all the prophets as in a vision; and then they knew that they saw and heard spiritually. Therefore, they stand complete days as in a vision, until they see him face to face. And concerning the petition and patience of those who are complete in their entirety: all that God does not bring down to them from above, because they have in them the pains of the doers of righteousness. And the pains that come to them when they are completed: because they are humbled and not exalted. God afflicts them, and they seek him and are healed.
dsc-215:9 · narrativemedium
Source
ܘܕܰܣܢܺܝܩܺܝܢ ܥܰܠ ܐܳܣܝܽܘܬܳܐ ܕܳܐܕܳܡ ܠܳܐ ܣܢܺܝܩ ܗ̱ܘܳܐ ܥܠܶܝܗ: ܡܶܛܽܠ ܕܢܶܣܓܽܘܢ ܢܶܒܥܽܘܢ ܘܢܶܬܟܰܫܦܽܘܢ ܡܶܢܶܗ: ܐܰܣܢܶܩ ܐܶܢܽܘܢ ܡܳܪܰܢ. ܒܗܳܠܶܝܢ ܐܶܢܶܝܢ ܨܶܒܘ̈ܳܬܳܐ ܡܶܣܬܰܢܩܺܝܢ ܓܡܺܝܪ̈ܶܐ ܝܰܘܡܳܢܳܐ ܕܳܐܕܳܡ ܠܳܐ ܣܢܺܝܩ ܗ̱ܘܳܐ. ܘܰܒܗܳܕܶܐ ܠܳܐ ܡܶܬܓܰܠܙܺܝܢ ܡܶܢ ܦܰܪܕܰܝܣܳܐ ܪܽܘܚܳܢܳܐ: ܘܡܶܢ ܫܽܘܒܚܶܗ ܕܳܐܕܳܡ ܩܰܕܡܳܝܳܐ: ܡܶܛܽܠ ܕܶܐܡܰܪ ܠܗܽܘܢ ܡܳܪܰܢ: ܕܡܶܢ ܝܰܬܺܝܪܽܘ ܢܶܬܬܰܘܣ̈ܦܳܢ ܠܟܽܘܢ. ܘܰܡܝܰܬܪܺܝܢ ܬܽܘܒ ܡܶܢ ܗܳܝ ܒܪܺܝܬܳܐ ܕܡܶܢܩܕܺܝܡ: ܕܚܳܫܺܝܢ ܘܰܡܣܰܝܒܪܺܝܢ ܡܶܢ ܒܺܝܫ̈ܶܐ: ܕܶܐܠܽܘ ܐܳܕܳܡ ܠܳܐ ܥܒܰܪ ܥܰܠ ܦܽܘܩܕܳܢܳܐ ܠܳܐ ܗܳܘܶܝܢ ܗ̱ܘܰܘ ܒܺܝ̈ܫܶܐ. ܘܶܐܢ ܐ̱ܢܳܫ ܢܺܐܡܰܪ: ܕܡܳܕܶܝܢ ܗܳܠܶܝܢ ܢܒܺܝ̈ܶܐ ܘܙܰܕ̈ܺܝܩܶܐ ܕܡܶܢ ܩܕܳܡ ܡܶܐܬܺܝܬܶܗ ܕܡܳܪܰܢ: ܕܡܶܢܗܽܘܢ ܫܩܰܠܘ ܢܶܫ̈ܶܐ ܘܡܶܢܗܽܘܢ ܩܢܰܘ ܩܶܢܝܳܢܳܐ: ܬܚܶܝܬ ܠܰܘܛܬܳܐ ܗܘܰܘ؟ ܥܰܠ ܗܳܠܶܝܢ ܠܳܐ ܐ̱ܢܳܫ ܢܺܐܡܰܪ ܡܶܕܶܡ: ܕܰܐܝܟܰܢ ܕܳܐܡܰܪ ܗ̱ܘܳܐ ܠܗܽܘܢ ܡܳܪܝܳܐ: ܗܳܟܰܢ ܥܳܒܕܺܝܢ ܗ̱ܘܰܘ ܟܡܳܐ ܝܰܘ̈ܡܳܬܳܐ ܕܰܚܝܰܘ. ܗܳܐ ܓܶܝܪ ܐܰܒܪܳܗܳܡ ܘܣܰܪܳܐ ܡܶܢ ܕܰܥܒܰܪܘ ܡܶܢ ܫܰܘܬܳܦܽܘܬܳܐ ܘܡܺܝܬܘ ܦܰܓܪ̈ܰܝܗܽܘܢ ܡܶܢ ܪܶܓܬܳܐ: ܫܡܰܥܘ ܡܶܠܬܶܗ ܕܰܐܠܳܗܳܐ ܘܰܗܦܰܟܘ ܐܶܫܬܰܘܬܰܦܘ. ܗܳܟܰܢ ܐܶܠܽܘ ܐܶܡܰܪ ܠܶܗ ܐܰܠܳܗܳܐ ܕܢܶܬܩܰܕܰܫ ܡܶܢ ܐܰܢ̱ܬܬܶܗ ܟܰܕ ܛܠܶܐ: ܡܶܬܩܰܕܰܫ ܗ̱ܘܳܐ: ܐܰܘ ܕܢܶܣܬܰܪܰܩ ܡܶܣܬܰܪܰܩ ܗ̱ܘܳܐ. ܡܩܰܒܶܠ ܗ̱ܘܳܐ ܕܶܝܢ ܐܰܒܪܳܗܳܡ ܠܰܣܢ̈ܺܝܩܶܐ ܐܰܝܠܶܝܢ ܕܳܐܦܠܳܐ ܡܗܰܝܡܢܺܝܢ ܗ̱ܘܰܘ ܕܺܐܝܬ ܐܰܠܳܗܳܐ. ܘܡܶܬܕܰܡܶܐ ܗ̱ܘܳܐ ܒܰܐܠܳܗܳܐ: ܕܡܰܕܢܰܚ ܚܽܘܒܶܗ ܥܰܠ ܛܳܒ̈ܶܐ ܘܥܰܠ ܒܺܝ̈ܫܶܐ.
English
the ascent to the healing of Adam did not ascend upon it, because they increased, sought, and entreated from him; he raised up their Lord. In these, the perfect wills are ascended, the days of Adam did not ascend. And in this, they are not separated from the spiritual paradise and from the glory of the first Adam, because their Lord said to them that from your increase additions will be made to you. And they increase again from that earlier creation, which feels and endures from evils, so that if Adam had not transgressed the commandment, there would have been no evils. And if I should say that these prophets and righteous ones who before the coming of our Lord took wives from them and from them established lineage, were they under a curse? Concerning these, I do not say anything, because as the Lord said to them, so they did for the days of their lives. For behold, Abraham and Sarah, after they passed from partnership and their bodies died from desire, heard the word of God and turned and became partners. So if God had said to him to be separated from his wife while he was young, he would have been separated, or if he were to be castrated, he would have been castrated. But Abraham received the ascetics, those who did not even believe that there is a God. And he was likened to God, who casts his love upon the good and upon the evil.
dsc-215:10 · narrativehigh
Source
ܥܰܠ ܛܳܒ̈ܶܐ ܓܶܝܪ ܟܽܠܢܳܫ ܡܶܬܪܰܚܰܡ: ܥܰܠ ܒܺܝܫ̈ܶܐ ܕܶܝܢ: ܐܶܠܳܐ ܡܰܢ ܕܣܰܓܺܝ̈ܐܺܝܢ ܪ̈ܰܚܡܰܘܗ̱ܝ ܐܰܝܟ ܕܡܳܪܰܢ: ܠܳܐ ܡܶܬܪܰܚܰܡ ܥܠܰܝܗܽܘܢ܀ ܫܠܶܡ ܡܺܐܡܪܳܐ ܕܥܶܣܪܺܝܢ ܘܰܬܡܳܢܝܳܐ ܕܥܰܠ ܫܰܪܒܳܐ ܕܢܰܦܫܳܐ ܕܠܳܐ ܗܘܳܬ ܕܡܳܐ܀
English
For he has mercy on the good, but on the evil he does not have mercy, except when his mercies increase as is fitting. He does not have mercy on them. The end of Memra 28: On the Fact That the Human Soul is Not Identical With the Blood.
Citation. Tergwame, “Memra 28: On the Fact That the Human Soul is Not Identical With the Blood”, dsc-215:1, machine-draft, 2026. https://naxiai.com/christian/works/dsc-215#s1
Colophon. Source: syriac ·
licence: CC BY 4.0 ·
model: deepseek/deepseek-v4-flash:floor ·
provider: Relace ·
cost: $0.0064 ·
generated 2026-11-15.