Manuscripts: E: A-584 F: A-34 G: A-137 H: A-677
პირველი სიტყუაჲ საქმისათჳს მოციქულთაჲსა და უწყება განწესებისათჳს თავთაჲსა რაოდენნიცა არიან მაღლისა მის და ჭეშმარიტად ღმრთისა მიმაახლებელისა და ღმრთისა საყუარელისა უკუდავებისა ტრფიალნი და ღმრთივ შუენიერისა მის ზეცათა მოქალაქობისა მოწაფენი და მსახურნი, მათ გულის სიტყუაჲ კეთილი და სათნოჲ დაუმტკიცებიეს თავთა შორის თჳსთა, მაღალი და დიდებული ნეტარებაჲ იგი საღმრთოჲსა მის მგალობელისა დავითის მიერ თქუმული, საღმრთოთა სიტყუათათჳს წურთაჲ სჯულსა უფლისასა დღე და ღამე, და სულთა შინა თჳსთა დაუუნჯებიეს საუნჯე ესე დაულევნელი და წმიდაჲ და ჭეშმარიტად ბრწყინვალისა ამის და სანატრელისა დღისა ნათლითა მოწყლულ არიან, და სათნოებათა მომპოვნებელისა ამის და საღმრთოჲსა ნაყოფისა გემოჲ უხილავს, იგინი ყოველსავე გონებასა მათსა ყოვლით კერძო შემოიკრებენ და ყოვლითა წადიერებითა საღმრთოჲსა მის ხოლო უკუდავებისა მიმართ ჰხედვენ. რომელთა სიტყჳსა და ბრძანებისა სათანადო არს მორჩილებაჲ და მსახურებად სარგებელისათჳს ძმათაჲსა, რაჲთა ვითარცა ჩუენ სხუათა მიერ მოგჳსთულიეს სარგებელი, ეგრეთცა ჩუენ სხუათა სარგებელ ვეყოფერდით, უკუეთუ ოდენ ძალ-გუედვას, რომლითაცა სახითა და რაჲთა მჴურვალედ ვივლტოდით შურისა მისგან, რომელმან-იგი დამალა ტალანტი უფლისაჲ ქუეყანასა, ვითარცა იტყჳს უფალი.
Manuscripts: E: A-584 F: A-34 G: A-137 H: A-677
The first word concerning the Acts of the Apostles, and the account of the arrangement of the chapters, as many as there are, belongs to those lovers of immortality who draw near to the Most High and true God and are beloved of God, and to the disciples and servants of that God-adorned citizenship in the heavens. They have confirmed among themselves the good and pleasing word of their heart—that lofty and glorious blessedness spoken by the divine psalmist David concerning divine words: meditation on the law of the Lord day and night—and in their souls they have stored up this treasure, undefiled and holy, and they are illumined by the light of this truly radiant and enviable day, and they have tasted the sweetness of this virtue-acquiring and divine fruit. They gather their whole mind in every respect, and with all desire they look toward that divine immortality. Obedience is fitting to their word and command, and service for the benefit of the brethren, so that, just as we have been benefited by others, so we too might become a benefit to others, if only we are able, and in whatever manner, and that we might flee fervently from envy, which hid the Lord's talent in the earth, as the Lord says.
მე უკუე პირველ რაოდენისამე ჟამისა სამოციქულოჲ ესე წიგნი წმიდისა პავლე მოციქულისაჲ თავ-თავოანად აღმოვიკითხე და აღვწერე და წარვეც ვისამე ნეტართა მამათა ჩუენთაგანისა, რომელსა-იგი ებრძანა ჩემდა ამისი ქმნაჲ. და, ვითარცა კიცუმან უმწყმან, გინა ყრმამან უსწავლელმან, უქმი და უვალი გზაჲ ვლე. რამეთუ არცა ვინ მეხილვა საღმრთოთა მათ ქადაგთაგანი მუნ ჟამადმდე ამის პირისათჳს მოსწრაფე ქმნილი. რამეთუ არა ვარ ესოდენ თავჴედ, რაჲთამცა მოძღუართა მიერ კეთილად აღწერილი შეურაცხ-ვყავ უნდოჲსა მის და უსწავლელისა მეცნიერებისა ჩემისა სიუცბითა. მაშინ უკუე, ვითარცა ვთქუ, ეპისტოლენი წმიდისა პავლე მოციქულისანი აღვწერენ თავ-თავოანად და აწ კუალად საქმე მოციქულთაჲ შჳდ თავთა მათ კათოლიკეთა თანა და წარმოვეც შენდა. და შევრდომით და ვედრებით ორისავე მის წარმდებებისათჳს ერთბამად შენდობასა ვითხოვ. და ყოველთავე მამათა და ძმათა ვევედრები, რომელნიცა მიემთხჳნეთ ჩემ მიერ განწესებულსაამას თავთა რიცხჳთ აღნიშნულთა, რაჲთა წესისა მისთჳს სიყუარულისა ერთობით შემნდობელ მექმნნენ ცთომათა ჩემთა და უსწავლელობისა ჩემისა სიუცბესა. და რაჲთა ძმებრივითა სიყუარულითა უფროჲსად განჰმართონ თითოეულისა თავის ცთომაჲ, სადაცა საჴმარ იყოს.
I, then, at some first time read through and transcribed this book of the Apostle, holy Paul, the Acts of the Apostles, chapter by chapter, and I sent it to one of our blessed fathers, who had commanded me to do this. And, like some unbroken colt or an untaught child, I trod an idle and untrodden path. For I had not seen any of those divine preachers up to that time who had been made diligent concerning this matter. For I am not so bold as to despise, by the rashness of my own untrained knowledge, what has been well described by teachers. Then, therefore, as I said, I transcribed the epistles of the holy Apostle Paul chapter by chapter, and now again I send to you the Acts of the Apostles together with those seven catholic chapters. And with bowing and entreaty I ask forgiveness for both of their prefaces at once. And I entreat all fathers and brothers who may encounter these chapters marked by me with their number, that, for the sake of the love of order, they may become forgiving of my errors and of the rashness of my untrainedness. And that with brotherly love they may correct each chapter's error all the more, wherever it may be needful.
რამეთუ მაშინ მამობრივმან წამის ყოფამან კადნიერ გუქმნნა შეკადრებად საქმესა უფროჲს ძალისა ჩუენისასა და აქა ძმებრივმან გულითადმან სიყუარულმან მორჩილ გუყვნა, ვინაჲცა კუალადცა კადნიერ ვიქმნები ჴელ-ყოფად; რამეთუ ძმათა შორის და მამათა სიყუარული ყოველსავე თავს-იდებს, და არასადა შეურაცხ-ჰყოფს ერთსაცა ასოთა თჳსთაგანსა, რამეთუ ღმრთისა მიერ მოცემულ არს ჩუენდა სჯული ესე ძმათ მოყუარებისა და სიყუარულისაჲ, რომელსა-იგი სიყუარული ჰნებავს და ამას გუამცნებს მარადის, ვითარ-იგი იტყჳს, ვითარმედ: სიყუარულმან დაფარის სიმრავლე ცოდვათაჲ. ხოლო მე, ქრისტეს მოყუარეო და საწადელო ძმაო, სამართლად და ჭეშმარიტებით გიცი შენ თანა-ზრდილ და მოყუას და მეგობარ ღმრთივ ქებულისა მის საღმრთოთა სიტყუათა წურთისა და გულისჴმის-ყოფისა, რომლისა მიერცა განჰნათლდი და ბადეთა მათ შინა მისთა შეპყრობილმან სასურველისა მის სახელისა მისისა სეხნაობაჲ საქმით მოიგე და უძილად და უცონელად წურთითა მისითა სამარადისოჲთა სული შენი აღაყუავე. რომლისათჳს იტყჳს ბრძენი ვინმე, ვითარმედ: წურთაჲ წერილთაჲ არს საქმე ფრიად სარგებელი და კუალად ბრძენი ბრძენთაჲ ესრეთ იტყჳს, ვითარმედ: ყოვლისავე ცხორებისა კაცთაჲსა სარგებელ არს იგი.
For at that time the paternal impulse made me bold to undertake a task beyond our strength, and here brotherly heartfelt love made me obedient, so that once again I am made bold to set my hand to it; for the love among brothers and fathers governs all things, and never does it despise even one of its own members, for this law of love of brothers and love has been given to us by God, which love he desires and ever teaches us, as it says: love covers a multitude of sins. But I, O Christ-loving and beloved brother, rightly and truly know you to be a foster-brother and kinsman and friend of the God-praised delight and understanding of the divine words, by which you have been enlightened, and, caught in its nets, you have by deed won the renown of that desirable name of his, and with its unceasing and unfailing delight you have kindled your soul forever. Concerning which someone wise says: the delight of writings is a most profitable work; and again the wise man among the wise says thus: it is profitable for the whole life of men.
და უკუეთუ ვინმე სულმოკლე იქმნეს, მისგან ზღვევასა და დაჭირვებასა არა მცირედსა მოატყუებს თავსა თჳსსა მცონარებითა თჳსითა და იჯმნის ნეტარებისა მისგან, რომელი იტყჳს, ვითარმედ: ნეტარ არს კაცი იგი, რომელი სჯულსა უფლისასა ზრახვიდეს დღე და ღამე. რამეთუ პირველითგანვე ენება ღმერთსა, რაჲთა ყოველნივე ფრთხილ იყვნენ და ღმრთის მსახურ, ამისთჳსცა ამცნებს თჳთოეულსა წურთად თჳსთა მათ მცნებათა და იტყჳს: ისმინე ისრაჱლ, უფალი ღმერთი შენი უფალი ერთ არს, და შეიყუარო უფალი ღმერთი შენი ყოვლითა გულითა შენითა და ყოვლითა ძალითა შენითა; და იყვნენ სიტყუანი ესე, რაოდენთა მე დღეს გამცნებ შენ, გულსა შინა შენსა და სულსა შინა შენსა, და ასწავლნე იგინი ძეთა შენთა და ეტყოდი მათ, რაჟამს სჯდე სახლსა შინა შენსა და დაწოლასა შენსა და აღდგომასა შენსა. ესრეთ ჰნებავს ღმერთსა, რაჲთა მოუწყინებელი და სამარადისოჲ სურვილი გუაქუნდეს წურთად საღმრთოთა მათ სიტყუათა. ამის საღმრთოჲსა ბრძანებისა დაცვითა კადნიერებაჲ ჰქონდა დიდსა მას წინაწარმეტყუელსა დავითს და იტყოდა ღმრთისა მიმართ, ვითარმედ: ზრახვანი გულისა ჩემისანი შენ წინაშე მარადის, უფალო მწეო ჩემო და მჴსნელო ჩემო.
And if anyone becomes fainthearted, by his own sloth he will deceive himself into no small loss and distress, and will be deprived of that blessedness of which it is said: Blessed is the man who meditates on the law of the Lord day and night. For from the beginning God has willed that all should be watchful and servants of God; therefore He commands each one to keep His commandments and says: Hear, O Israel, the Lord your God is one Lord, and you shall love the Lord your God with all your heart and with all your strength; and these words which I command you today shall be in your heart and in your soul, and you shall teach them to your sons and speak of them when you sit in your house and when you lie down and when you rise. Thus God wills that we have an unceasing and everlasting desire to keep the divine words. By the keeping of this divine command that great prophet David had boldness, and he spoke to God, saying: The meditations of my heart are before You always, O Lord my protector and my deliverer.
და ვითარცა-იგი მოსწრაფეთა და მოსურნეთა საღმრთოთა მათ სიტყუათა წურთისათჳს უცვალებელი ნეტარებაჲ მიეცემის, ეგრეთვე მცონართა და დაჴსნილთა ზედა უკეთურთათჳს დადებული იგი უბადრუკებაჲ მივალს გარეწარუვალად და შეუნდობელად, ვითარმედ: წყეულ იყავნ ყოველი, რომელი არა დაადგრეს ყოველსა წერილსა წიგნისა ამის სჯულისასა ყოფად მათდა. ვინაჲცა ჯერ-არს, რაჲთა ყოვლადვე არა მოვმედგრდეთ სულთა სარგებელისა ამის წურთისაგან, რამეთუ ჩუეულების მოყუარე არს და შრომისა მოყუარე და სასურველ და მარადის უაღრესსა სარგებელსა მოატყუებს შრომის მოყუარესა მას და მუშაკსა თჳსსა. და რაოდენცა ვინ უმეტესისა სწავლისა და მეცნიერებისა ზიარ იქმნას სამ წილ და მრავალ წილ უმეტესისა და უფროჲსისა გული უთქუამნ და განძღომაჲ არა არნ. ვითარცა-იგი ჴელოვანმან რაჲ ფრთხილმან გონებითა პოვის ჴელოვნებაჲ რაჲმე წარჩინებული და მიერითგან მარადის გამოეძიებნ მისთჳს და წულილადსა რასმე ხედვასა მოიპოებნ და მრავლითა ღონითა სიჴშოსა გონებისა მისისასა წადიერ არნ პოვნად და თავსა სრულებისა მისისასა აღმაღლებად, ეგრეთვე სახედ არს ჩუენ თანა კითხვისა და სწავლისა ქრისტეს სწავლულისა ბუნებაჲ, რამეთუ დღითი-დღე უმახჳლეს ხედვად სიწლოჲსა მის მისისა აღამაღლებს სულსა მას წურთილსა მის მიერ.
And just as to the diligent and desirous of those divine words, unchangeable blessedness is given on account of their zeal, so upon the slothful and the dissolute, on account of their wickedness, that wretchedness which has been appointed comes inevitably and inexorably, as it is said: Cursed be everyone who does not abide by all that is written in the book of this law, to do them. Therefore it is fitting that we by no means be negligent of this profitable zeal of the spirit, for it is a lover of habit and a lover of labor, and it promises the desirable and ever-supreme profit to him who loves labor and to its own worker. And to whatever extent one becomes a partaker of greater instruction and knowledge, to a threefold and many times greater extent is his mind enlarged, and there is no satiety. Just as when some skilled craftsman with a careful mind discovers some excellent craft, and thereafter ever seeks after it and is found to attain some refined insight, and with much effort of the compression of his mind he is eager to discover and to raise himself to the perfection of it, so also is the nature of reading and learning of the disciple of Christ present with us, for day by day it lifts up to the sharpest vision of his own goodness the soul that is zealous through it.
რომელი-ესე კეთილად წარგიმართებიეს შენ, საყუარელო და სასურველო ძმაო ათანასი, რამეთუ ხარ შენ სწავლის მოყუარე და გულისჴმის-მყოფელ და მეგობარ საღმრთოთა სიტყუათა და მარადის შეიტკბობ მათ სულსა შინა შენსა მოწლედ, ვითარცა ზემო ვთქუ, ვინაჲცა საქმესა მას წმიდათა მოციქულთასა კათოლიკითურთ და ებისტოლებით პავლე მოციქულისაჲთ წარკითხვად და აღწერად მიბრძანე. და ვითარცა ზედამიწევნით და გამოწულილვით გებრძანა, მასვე პირსა ზედა მოხარკე ვიქმენ აღწერად, რაოდენ უძლე. რამეთუ პირველად აღვწერენ თავნი მუჴლ-მუჴლად, რომელნი-იგი აუწყებენ ძალსა თითოეულისა თავისასა რიცხჳთა მით და ვასკულავითა; კუალად ეგრეთვე კერძო განყოფასა და განზოგებასა თავთასა. და ეგრეთვე მსგავსად განვსთესენ რიცხუნი იგი და ნიშანნი ყოველსავე წიგნსა შინა, რაჲთა ადვილ იყოს პოვნად რომელსაცა ვინ სიტყუასა ეძიებდეს, დაღათუ არა განმრავლებისათჳს თავთაჲსა არა ფრიად გამოწულილვით გჳქმნიეს ესე, გარნა გულისჴმისმყოფელთათჳს კმა არს ესეცა შემოკლებით და სულმცირედ აღწერილი. რამეთუ შეუძლებელ იყო ჩემდა ურჩებაჲ სიწმიდისა შენისაჲ, დაღაცათუ არა უმეცარ ვიყავ სიუცბესა და უგუნურებასა ჩემსა. ხოლო არს უმეტესი სიტყუაჲ საქმისა ამის მოციქულთაჲსა შემდგომად აღდგომისა ზეცად აღსლვისათჳს მაცხოვრისა და გარდამოსლვისათჳს სულისა.
Since you have been well disposed, beloved and desired brother Athanasius—for you are a lover of learning and one who gives heed and is a friend of the divine words, and you always delight your soul in them, as I said above—you commanded me to read and to describe the work of the holy apostles, both the Catholic Epistles and the Epistles of the Apostle Paul. And as you commanded with insistence and urging, I became eager to describe it in the same manner, as much as I was able. For first I will describe the chapters one by one, which declare the power of each chapter by their number and by summary; and again likewise the particular division and distribution of the chapters. And likewise I will set down those numbers and signs in every book, so that it may be easy to find whatever word anyone seeks, although on account of the multiplication of chapters we have not made this with very great elaboration, but for those who give heed even this is sufficient, set down in brief and with very little description. For it was impossible for me to disobey your holiness, although I was not ignorant of my awkwardness and foolishness. But the greater part of the words of this work of the apostles concerns the ascension of the Savior into heaven after the resurrection and the descent of the Spirit.
წმიდისა წმიდათა მოციქულთა ზედა, და თუ ვითარ, ანუ სადა ქრისტეს ქადაგებაჲ მიუთხრეს და ღმრთეებაჲ მისი ქადაგეს. და რაოდენნი სასწაულნი სახელითა უფლისაჲთა აღასრულნეს, და თუ ვითარ ზეგარდამო ქრისტეს მიერ იწოდა პავლე; და მიერითგან ბრწყინვალე იგი ქადაგებაჲ მისი და მიმოსლვაჲ, და რაოდენნი დაითმინნა სახელისათჳს მაცხოვრისა მრავალნი და დიდნი განსაცდელნი, რომელი-ესე აღწერა ნეტარმან ლუკა მახარებელმან, ვითარცა თჳსიცა იგი სახარებაჲ, რომელი იყო ნათესავით ანტიოქელი. ჴელოვნებით მკურნალი და მხატვარი, რომელი დაემოწაფა პავლეს და მის თანა მავალ იქმნა და ქადაგ ჴმა-მაღალ, რომლისა ქებითა სავსე არს ყოველი სოფელი. და სახარებაჲ და თჳთ ყოვლად წმიდაჲ იგი და სამ გზის სანატრელი და სერაბინთა მობაძავი ენაჲ პავლესი ჴმა-მაღლად ქადაგებს სიმაღლესა მისსა. და ყოველნი ეკლესიანი სავსე არიან ქებითა და დიდებითა მისითა. და ზღუაჲ და ჴმელი აღსავსე არს სიტკბოებითა სიტყუათა მისთაჲთა, რომელი-იგი ვითარცა გუნდი ურიცხჳ და მჴედრობაჲ ანგელოზთაჲ მიემადლა მოციქულთა მიერ წმიდასა პავლე მოციქულსა თანა მავალად და ქადაგებად ცხორებისა, რომლისა თანა ვადიდებდეთ მამასა და ძესა და წმიდასა სულსა აწ და მარადის და უკუნითი უკუნისამდე, ამენ.
Concerning the holy of holies upon the apostles, and how or where they proclaimed the preaching of Christ and preached his divinity. And how many wonders they accomplished in the name of the Lord, and how Paul was called from on high by Christ; and from that time his brilliant preaching and journeying, and how many and great trials he endured for the sake of the name of the Savior—all this was written by the blessed Luke the Evangelist, as was also his own Gospel, who was by race an Antiochene. A physician by skill and a painter, who became a disciple of Paul and a fellow traveler with him and a loud-voiced preacher, with whose praise every part of the world is filled. And the Gospel and that all-holy and thrice-blessed and seraphim-imitating tongue of Paul proclaim his exalted height with a loud voice. And all the churches are filled with his praise and glory. And the sea and the dry land are filled with the sweetness of his words, which, like a countless choir and company of angels, was sent by the apostles to travel with the holy apostle Paul and to preach the message of salvation, with whom let us glorify the Father and the Son and the Holy Spirit, now and ever and unto the ages of ages, amen.