Toh 2264 · classical Tibetan · Tengyur edition

A Song of Personal Instructions on the “Inexhaustible Treasury”

Edition 1.0 · 2026 · not a critical edition machine draft

Catalogue
Toh 2264
Genre
Instruction
Period
classical Tibetan
Edition
Tengyur vol. 052_རྒྱུད་འགྲེལ།_ཞི.txt
Extent
13 passages · 14,200 Tibetan characters · 3,505 English words
Translation
buddhist-nlp/mitra-qwen35-translate (English, machine-assisted)
Status
Edition 1.0 · 2026 · machine draft
Rights
Derge Kangyur/Tengyur e-text, Esukhia/Barom edition — public domain (mechanical reproduction)

This text provides a concise set of instructions on the nature of Mahāmudrā, framing it as the non-dual essence of the Buddha, Dharma, and Saṅgha. The author argues that liberation is found not through conceptual meditation or the pursuit of external objects, but through the direct recognition of the mind's intrinsic nature, which is devoid of intrinsic existence. The work warns against the pitfalls of hope, fear, and the intellectualization of suchness, asserting that effort directed toward conceptual elaborations is a hindrance to realizing the vajra mind. By integrating the realization of emptiness with the experience of appearances, the practitioner is committed to a state of non-activity and equal taste, where the distinction between samsara and nirvana is collapsed. The text emphasizes the role of the guru in pointing out this unified mind and urges the practitioner to abandon the grasping of the intellect in favor of the innate primordial wisdom of awareness.

Provenance

About this text

An instructional work on the nature of Mahāmudrā, the Dohakoṣopadeśagīti presents the non-dual essence of the Buddha, Dharma, and Saṅgha. Attributed to the Indian author Saraha (II), the work was translated into the Tibetan language by Vajrapāṇi. It is preserved in the Tengyur, volume ཞི, where it spans eleven pages and is situated within the General Unexcelled Yoga Tantra Works. The text argues that liberation is found not through conceptual meditation or the pursuit of external objects, but through the direct recognition of the mind's intrinsic nature, which is devoid of intrinsic existence. It warns against the pitfalls of hope, fear, and the intellectualization of suchness, asserting that effort directed toward conceptual elaborations hinders the realization of the vajra mind. By integrating the realization of emptiness with the experience of appearances, the practitioner is committed to a state of non-activity and equal taste, collapsing the distinction between samsara and nirvana. A scholar or serious reader consults this classical Tibetan translation to examine how the text emphasizes the role of the guru in pointing out the unified mind and urges the practitioner to abandon conceptual grasping in favor of the dharmakāya.

Sanskrit title
Dohakoṣopadeśagīti
Indian author
Saraha (II)
Tibetan translators
Vajrapāṇi
Canonical collection
General Unexcelled Yoga Tantra Works
Genre
Instruction
Source edition
Tengyur, vol. ཞི
Period
classical Tibetan
Cite thisAnuvāda, “A Song of Personal Instructions on the “Inexhaustible Treasury”” (Toh 2264), machine draft, 2026.https://naxiai.com/tibetan/works/toh2264
Summary & commentary

Significance

The work is significant for its representation of the non-conceptual approach to Mahāmudrā, emphasizing the immediate nature of the dharmakāya over gradual meditative processes. For the modern reader, it illustrates the tension between intellectual study and direct experiential realization within the Indo-Tibetan tradition.

Structure

PassagesSectionDescription
1-3Introduction and Nature of MahāmudrāDefines Mahāmudrā as non-dual nature and warns against treating suchness as an object of meditation.
4-5Pitfalls of ConceptualizationDiscusses the danger of seeking conceptual elaborations and the necessity of a mind free from extremes.
6-9The Role of the Guru and Direct RealizationExplains how the essence is transmitted from guru to disciple and the recognition of all objects as suchness.
10-13Method and ResultDetails the application of emptiness to phenomena and the ultimate state of relinquishing activity to achieve great bliss.

Themes

  • Non-duality and Suchness (1-3, 7)
  • Critique of Conceptual Effort (3-5, 13)
  • Guru-Disciple Relationship (6, 9-10)
  • Primordial Wisdom and Awareness (5, 8, 10)

Summary, significance and provenance note generated by gemma4:31b from the translation and the catalogue record.

AnuvādaA Song of Personal Instructions on the “Inexhaustible Treasury”·

༄༅༅། ། རྒྱ་གར་སྐད་དུ། དོ་ཧ་ཀོ་ཥ་ཨུ་པ་དེ་ཤ་གཱི་ཏི་ནཱ་མ། བོད་སྐད་དུ། མི་ཟད་པའི་གཏེར་མཛོད་མན་ངག་གི་གླུ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ། ཨེ་མ་མཁའ་འགྲོ་གསང་བའི་སྐད། ། གཉིས་མེད་རང་བཞིན་ཕྱག་རྒྱ་ཆེན་པོའི་གནས། ། སངས་རྒྱས་ཆོས་དང་དགེ་འདུན་དེ་རང་བཞིན། ། བྱང་ཆུབ་སེམས་དཔའ་བདེ་བའི་མགོན་པོ་ལ། ། ཕྱག་བཟང་པོ་ཡིས་བཏུད་དེ་བཤད་པར་བྱ། ། སྐྱེ་བོ་སྲིད་པའི་འཁྲི་ཤིང་ལྟ་བུས་བཀྲིས་པ་རྣམས། ། བདག་ཏུ་འཛིན་པའི་མྱ་ངན་ཐང་ལ་རབ་ཏུ་སྐམས། ། རྒྱལ་བུ་གཞོན་ནུ་སྲིད་མེད་(ཕ་,པ་)དང་བྲལ་བ་བཞིན། ། བདེ་བའི་གོ་སྐབས་མེད་པས་སེམས་ལ་ཟུག་རྔུར་གྱུར། ། དཔྱད་པས་མ་འོངས་དེ་བཞིན་ཉིད་ཀྱི་ཡེ་ཤེས་ནི། ། བྱས་པ་རྣམས་དང་བྲལ་ཞིང་བསགས་པའི་ལས་མིན་ཞེས། ། རང་ཉིད་ཤེས་པའི་མདའ་བསྣུན་གྱིས་ནི་དེ་སྐད་སྨྲས། ། མཁས་པ་ཐམས་ཅད་སྙིང་ལ་དུག་གིས་ཁྱབ་པར་གྱུར། ། སེམས་ཉིད་རྣལ་མའི་དོན་ནི་ཀུན་གྱིས་རྟོགས་དཀའ་བ། ། མཐའ་ཡིས་མ་གོས་དྲི་མ་མེད་པའི་སྙིང་པོ་ནི། ། རང་བཞིན་གདོད་ནས་རྣམ་པ་ཀུན་གྱི་དཔྱད་བྱ་མིན། ། གལ་ཏེ་དཔྱད་ན་དུག་སྦྲུལ་གཙེས་པ་ཁོ་ནར་ཟད། ། བློ་ཡིས་གཞག་པའི་ཆོས་འདི་ཐམས་ཅད་རང་གིས་སྟོང་། ། རྐྱེན་དང་བྲལ་ཕྱིར་བརྟག་པ་ཐམས་ཅད་ཡོད་མ་ཡིན། ། རང་བཞིན་གནས་སུ་གྲོལ་བའི་དེ་བཞིན་ཉིད་ཤེས་ན། ། མཐོང་ཐོས་ལ་སོགས་མེད་ཅིང་དེ་ཡིས་མི་མཐུན་བྲལ། ། དངོས་པོར་རྟོག་པ་ཐམས་ཅད་ཕྱུགས་དང་འདྲ་བར་བརྗོད། ། དངོས་མེད་རྟོག་པ་དེ་བས་ཤིན་ཏུ་བླུན་འགྱུར་ཞེས། ། མར་མེ་འབར་དང་བསད་པའི་དཔེ་ཡིས་བརྗོད་པ་དག།

In the language of India: Dohakoṣopadeśagīti-nāma. In the language of Tibet: Mi zad pa'i gter mdzod man ngag gi glu zhes bya ba. Homage to Mañjuśrī Kumārabhūta! Ema! In the secret language of the ḍākinīs, the state of Mahāmudrā is the non-dual nature. The Buddha, Dharma, and Saṅgha are that very nature. To the Bodhisattva, the Protector of Bliss, I bow with excellent homage and shall explain. Beings are ensnared by the creeping vines of cyclic existence; they are utterly parched on the desert plain of grasping at a self. Like a young prince separated from his father, they lack the opportunity for bliss, and their minds become pierced by pain. The wisdom of suchness, which does not come through analysis, is free from fabrications and is not accumulated karma. Thus spoke Saraha, who knows himself. All the learned are pervaded by poison in their hearts. The meaning of the genuine nature of mind is difficult for all to realize. The stainless essence, untainted by extremes, is by nature primordially beyond all analysis. If one analyzes it, it is merely like provoking a venomous snake. All these phenomena established by the intellect are empty of themselves. Because they are free from conditions, all conceptualizations do not exist. If one knows suchness, which is liberated in its natural state, there is no seeing, hearing, and so forth, and one is free from discordance. All conceptualization of things is said to be like that of a beast; conceptualization of non-things is even more foolish. This was expressed through the examples of a burning lamp and its being extinguished.

གཉིས་མེད་རང་བཞིན་ཕྱག་རྒྱ་ཆེན་པོར་གནས། ། དངོས་པོར་སྐྱེས་པ་དངོས་པོ་མེད་པར་རབ་ཞི་ཞིང་། ། དེ་ཡི་ཕྱོགས་དང་བྲལ་བ་མཁས་པ་དེ་ཉིད་ནི། ། བླུན་པོ་རྣམས་ཀྱི་བློ་ལ་རང་གིས་དཔྱད་བྱས་ན། ། སྐད་ཅིག་གྲོལ་བ་དེ་ལ་ཆོས་ཀྱི་སྐུ་ཞེས་བྱ། ། གྲོལ་བ་དེ་ལས་གཞན་པའི་བདེ་ཆེན་ས་ཡོད་ཅེས། ། བྱིས་པ་རྣམས་ཀྱིས་སྨྲས་ཀྱང་སྨིག་རྒྱུའི་ཆུ་དང་མཚུངས། ། ས་དང་ལམ་དང་སངས་རྒྱས་ཐམས་ཅད་གོ་གཅིག་པའི། ། གཉུག་མའི་ཡེ་ཤེས་འདི་ཉིད་ཡིན་གྱི་ཡིད་ལ་དྲིས། ། དེ་ལྟར་རྟོགས་པའི་མི་དེ་ལ་ནི་འཆིང་བ་མེད། ། རྡུལ་མ་སྤངས་ཤིང་རྡུལ་གྱིས་ཅུང་ཟད་གོས་པ་མེད། ། ཉོན་མོངས་གཉེན་པོ་གཉིས་སུ་འབྱེད་པ་ག་ལ་ཡོད། ། དེ་ལྟར་བརྩོན་པའི་སྐྱེས་བུ་དེ་ནི་འཁོར་བར་འཆིང་། ། ས་དང་ཆུ་དང་མེ་དང་རླུང་དང་ནམ་མཁའ་རྣམས། ། ལྷན་ཅིག་སྐྱེས་པའི་རོ་གཅིག་ལས་ནི་གཞན་ཡོད་མིན། ། སྲིད་དང་མྱ་ངན་འདས་པ་གཉིས་སུ་མི་རྟོགས་པ། ། འདི་ནི་ཆོས་ཀྱི་དབྱིངས་ཀྱི་གནས་ལུགས་ཡིན་པར་བཤད། ། ཨེ་མ་མཁའ་འགྲོ་གསང་བའི་སྐད། ། ཀྱེ་མ་རང་ལ་རང་གིས་དེ་ཉིད་མཚོན་ཏེ་ལྟོས། ། མ་ཡེངས་པ་ཡི་སེམས་ཀྱིས་ལྟ་དང་བྲལ་གྱུར་ན། ། ཡེངས་པའི་སེམས་ཀྱིས་དེ་ཉིད་རྟོགས་པར་མི་འགྱུར་ཏེ། ། དངོས་པོའི་ཚང་ཚིང་གསེབ་ཏུ་དེ་ཉིད་ནོར་བུ་སྟོར། ། ཀྱེ་མ་འདོད་པའི་དངོས་པོ་གང་ལའང་ཁྱོད་ཉིད་ཆགས་མ་བྱེད། ། གལ་ཏེ་ཆགས་པར་བྱ་བའི་ཡུལ་ལ་ཡིད་ཆགས་ན། ། འདི་ནི་བདེ་ཆེན་སེམས་མཆོག་གཟིར་བའི་ནད་རབ་སྟེ། ། དྲི་མ་མེད་པའི་སེམས་ལ་འདོད་པའི་མཚོན་གྱིས་བཏབ། ། ཀྱེ་མ་རྒྱུ་དང་འབྲས་བུ་གཉིས་སུ་མ་ལྟ་ཅིག།

Abide in the Mahāmudrā, the nature of non-duality. Arising as a thing, it is utterly pacified as a non-thing; The wise one who is free from partiality toward that, If they examine it with their own mind, the fool’s intellect, That momentary liberation is called the dharmakāya. Though the childish claim there is a ground of great bliss other than that liberation, It is like the water of a mirage. The grounds, paths, and all buddhas are of a single taste; Ask your mind: this is the innate jñāna itself. For the person who realizes it thus, there is no bondage. Without abandoning dust, they are not stained by dust in the slightest. How could there be a dualistic distinction between afflictions and their remedies? A person who exerts effort in that way is bound in saṃsāra. Earth, water, fire, wind, and space— There is nothing other than the single taste of the coemergent. Not conceptualizing existence and nirvāṇa as two— This is explained as the natural mode of the dharmadhātu. Ema! The secret language of the ḍākinīs. Kye ma! Look at that very reality by pointing it out to yourself. If you are free from viewing with a non-distraction mind, That reality will not be realized by a distracted mind. The jewel of reality is lost amidst the thicket of things. Kye ma! Do not be attached to any object of desire. If the mind is attached to an object of attachment, This is the supreme illness that afflicts the mind of great bliss; The stainless mind is struck by the weapon of desire. Kye ma! Do not view cause and effect as two.

དངོས་པོར་སྐྱེ་བའི་རྒྱུ་དང་འབྲས་བུ་ཡོད་མིན་ཏེ། ། རེ་དང་དོགས་པའི་དུག་གིས་རྣལ་འབྱོར་སེམས་མྱོས་ན། ། ལྷན་ཅིག་སྐྱེས་པའི་ཡེ་ཤེས་གནས་དེ་འཆིང་བར་འགྱུར། ། ཀྱེ་མ་རང་བཞིན་བྲལ་བའི་དེ་ཉིད་བསྒོམ་དུ་ཡོད་མ་ཟེར། ། གལ་ཏེ་བསྒོམ་པར་བྱ་དང་སྒོམ་བྱེད་གཉིས་རྟོགས་ན། ། གཉིས་སུ་འཛིན་པའི་ཡིད་ཀྱིས་བྱང་ཆུབ་སེམས་སྤངས་ཏེ། ། སྐྱེས་བུ་དེ་ཡིས་རང་གིས་རང་ལ་སྡིག་པ་བྱས། ། ཀྱེ་མ་བླ་མའི་ཞལ་གྱི་བདུད་རྩིའི་ཐིགས་པ་ཇི་སྙེད་པ། ། དེས་ཤེས་སྔོན་འགྲོ་པ་ཡིས་རབ་ཏུ་བླང་བར་བྱ། ། དུས་དང་ཐབས་ལ་མཁས་པས་དུས་སུ་མ་བསྟེན་ན། ། ལོང་བས་རྒྱལ་པོའི་བང་མཛོད་རྐུ་དང་འདྲ་བར་འགྱུར། ། ཀྱེ་མ་རིན་ཆེན་དབང་དང་བྲལ་བའི་སྐྱེས་བུ་ནི། ། གདོལ་པ་དམན་པ་ཞིག་གིས་རྒྱལ་པོར་རེ་སྨོན་བཞིན། ། རིག་པ་འཛིན་པའི་རྒྱུད་རྣམས་དེར་བསླུས་པས། ། མཁའ་འགྲོས་ཆད་པ་བཅད་ནས་རྡོ་རྗེའི་དམྱལ་བར་ལྟུང་། ། ཀྱེ་མ་དགེ་བའི་བཤེས་གཉེན་དག་ལས་མཆོག་གི་དོན་བླངས་ནས། ། དམ་པར་མི་འཛིན་དམན་པའི་སེམས་ཀྱིས་ཡོངས་སྤོང་བ། ། སྐྱེ་བོ་རབ་རིབ་གཟེབ་ཀྱིས་ཁྱེར་བར་གྱུར་པ་ན། ། བསྐལ་པ་ཆེན་པོར་རང་ལ་སྡུག་བསྔལ་བྱས་པར་ཟད། ། ཀྱེ་མ་བརྟན་པའི་ས་ལ་ཕྱིན་ནས་དམ་ཚིག་མི་ལྡན་ན། ། རྒྱལ་པོས་ཆད་པ་གཅོད་པའི་མི་ནི་བཟུང་བ་ལྟར། ། རྣམ་སྨིན་ལྕགས་ཀྱུས་སྲོག་གི་རླུང་ནི་བཟུང་བྱས་ནས། ། ཁྲོ་ཆུ་ཁོལ་མ་ཁར་བླུགས་པ་ནི་བཟོད་པར་དཀའ། ། ཀྱེ་མ་གནས་ལུགས་རྟོགས་ཀྱང་དམན་པའི་སྤྱོད་པ་ཉིད་བྱེད་ན། ། རྒྱལ་པོ་ཁྲི་ལས་བབ་ནས་ཕྱག་དར་བྱེད་པ་བཞིན། །

There is no cause and effect of arising as a functional entity; if the yogi’s mind is intoxicated by the poison of hope and fear, the abiding coemergent wisdom will be bound. Alas! Do not say that the suchness devoid of intrinsic nature is something to be meditated upon. If one perceives both the object of meditation and the meditator, the mind that grasps at duality abandons the bodhicitta; that person has committed a sin against themselves. Alas! One should thoroughly receive as many drops of the nectar from the guru’s mouth as possible, preceded by the knowledge of them. If one who is skilled in the timing and methods does not rely [on the teachings] at the proper time, it will be like a blind man stealing from a king’s treasury. Alas! A person devoid of the empowerment of the precious [teachings] is like a low-caste outcaste hoping to become a king. Deceived by the tantras of the Vidyadharas, they are punished by the Dakinis and fall into the Vajra Hell. Alas! Having received the supreme meaning from spiritual friends, to not hold it as sacred but to completely abandon it with an inferior mind—when such a person is carried away by the cage of cataracts, they have merely brought suffering upon themselves for a great eon. Alas! Having reached the firm ground, if one lacks the samaya, it is like a man caught by a king to be punished. When the life-wind is seized by the hook of karmic ripening, it is difficult to endure the molten bronze poured into the mouth. Alas! Even if the natural state is realized, if one engages only in inferior conduct, it is like a king descending from his throne to sweep the floor.

ཟད་མི་ཤེས་པའི་བདེ་བ་ཆེན་པོ་ཉིད་སྤངས་ནས། ། འཁོར་བའི་བདེ་བ་དག་ལ་རེག་པ་ཉིད་ཀྱིས་འཆིང་། ། ཀྱེ་མ་སྤྲོས་པ་རྣམས་དང་བྲལ་བའི་རང་གི་སེམས་མཐོང་ནས། ། སྤྲོས་པ་རྣམས་ལ་ཆེད་དུ་འབད་པའི་རྣལ་འབྱོར་ནི། ། ནོར་བུ་རིན་ཆེན་རྙེད་ནས་འཆིང་བུ་ཚོལ་བ་བཞིན། ། འབད་པ་བྱས་ཀྱང་སྙིང་པོའི་ས་ནི་ནམ་ཡང་མིན། ། ཨེ་མ་མཁའ་འགྲོ་གསང་བའི་སྐད། ། བྱང་ཆུབ་སེམས་ཟིན་པ་དང་བྱང་ཆུབ་སེམས་རྟོགས་དང་། ། འབད་པ་དང་བཅས་འབད་པ་བྲལ་བའི་ཡེ་ཤེས་ནི། ། དམ་པ་རྣམས་ཀྱི་ཞལ་གྱི་བདུད་རྩི་ལས་བྱུང་བ། ། ཉི་མ་ཟླ་བ་གཉིས་ཀྱི་དབུས་སུ་གསལ་བར་བྱེད། ། ཚད་དང་ལྡན་པའི་སྐྱེས་བུའི་སྣ་རྩེ་ལས་བྱུང་ཞིང་། ། མཚན་དང་ལྡན་པའི་ཕྱག་རྒྱ་ལས་ནི་དེ་སེམས་གཅིག། གཟུགས་སོགས་དངོས་པོའི་ཆོས་རྣམས་དེ་ཡིས་མདོག་བསྒྱུར་ནས། ། ཞི་བ་དང་བཅས་མན་ངག་གིས་ནི་ཤེས་པར་བྱ། ། འོད་གསལ་བ་ཡི་ཆོས་ཉིད་དེ་ནི་ངེས་མཐོང་ནས། ། བླ་མའི་དུས་ཐབས་བསྟེན་པ་དེ་ནི་ཆེར་རྟོགས་ལ། ། ཤེས་རབ་ཕ་རོལ་ཕྱིན་དང་མདོ་གཞན་ལས་རྙེད་ཅིང་། ། ཀུན་ལ་སྦྱར་བའི་སེམས་ནི་རབ་ཏུ་བསྒོམ་པར་བྱ། ། ཕྱི་དང་ནང་དུ་བལྟ་བ་མེད་པའི་སེམས་དེ་ནི། ། གང་གིས་མི་བསམ་གང་ལ་ཡང་ནི་སེམས་མ་ཡིན། ། རང་བཞིན་གནས་པ་རྡོ་རྗེ་རྩེ་མོར་གླུ་བླངས་པ། ། བདེ་ཆེན་གཟབ་གཏད་བྲལ་བ་ཆུ་བོ་ལྟ་བུར་བསྒོམ། ། འདུས་པའི་ཚོགས་སུ་སྤྲོས་པ་ཀུན་གྱིས་གཡེངས་པའི་སེམས། ། འཕོ་དང་འཇུག་པ་མེད་པའི་རང་བཞིན་བརྟན་པ་ཉིད། ། སེམས་ཀྱི་སྙིང་པོ་རང་དགའ་བར་ནི་ལེགས་བཏང་སྟེ། ། སྨྱོན་པ་ལྟ་བུའི་སེམས་ནི་བྱ་བ་དང་བྲལ་བ། །

Having abandoned the inexhaustible great bliss itself, one is bound by the very touch of the pleasures of saṃsāra. Alas! Having seen one’s own mind, which is free from conceptual elaborations, the yogi who exerts effort toward elaborations is like one who, having found a precious jewel, seeks out glass trinkets. Though effort is made, the essential ground is never reached. Ema! The secret language of the ḍākinīs: the seizing of bodhicitta and the realization of bodhicitta; the wisdom with effort and the wisdom free from effort—these arise from the nectar of the lips of the holy ones. They shine clearly in the center between the sun and the moon. Arising from the tip of the nose of a person possessing the [proper] measure, that single mind comes from a mudrā possessing the [proper] marks. Having transformed the colors of phenomena such as form and so forth by that [mind], one should understand them through the pith instructions of peace. Having definitely seen that luminous nature of phenomena (dharmatā), one should rely on the timing and methods of the guru and realize it greatly. Having found it in the Perfection of Wisdom and other sūtras, one should thoroughly meditate on the mind applied to all. That mind which has no looking outward or inward—by what is it not thought of, and in what is it not a mind? This song of the vajra peak, abiding in its natural state, should be meditated upon like a river, free from the focus of great bliss. In the assembly of the gathered, the mind distracted by all elaborations is itself the stability of a nature without transition or entry. Having properly released the essence of the mind into its own delight, the mind like a madman is free from activity.

མཐའ་ཡིས་མ་གོས་ཡེ་ཤེས་དེ་ནི་བསྒོམ་པར་བྱ། ། སྒོམ་དང་བསྒོམ་བྱ་མེད་པའི་སེམས་ནི་རང་བཞིན་བྲལ། ། རེ་དོགས་མེད་པའི་མཐར་ཐུག་པ་ནི་རྡོ་རྗེའི་སེམས། ། དམྱལ་བར་སོང་སྲིད་ན་ཡང་དེ་ལ་སྡུག་བསྔལ་མེད། ། སྲིད་དང་འབྲས་བུ་མཆོག་ལ་གནས་ཀྱང་ལྷག་པ་རྙེད་མིན་པས། ། བདེ་དང་སྡུག་བསྔལ་གཉིས་ཀྱིས་ཕན་དང་གནོད་སྤངས་ནས། ། བཟང་དང་ངན་པའི་སྤྱོད་པས་དེ་ལ་འཕེལ་འགྲིབ་མེད། ། རྟོག་པའི་ཡེ་ཤེས་གཉིས་བྲལ་འདི་ལས་མ་གཏོགས་པ། ། སངས་རྒྱས་ཆེ་བར་འདོད་ན་རྨོངས་པར་ཤེས་པར་བྱ། ། བྱ་བ་མེད་པའི་ཡིད་ཀྱིས་གང་ཡང་མ་བཙལ་ན། ། ཡོན་ཏན་བཙལ་མི་དགོས་ཤིང་དེ་ཡི་མི་མཐུན་བྲལ། ། རྒྱུ་དང་བསྟན་བཅོས་ཀུན་ལས་དེ་ཉིད་རྙེད་མིན་པས། ། ཞེ་འདོད་མེད་པའི་སེམས་ལ་རྒྱུ་ཡི་དྲི་མ་བྲལ། ། གང་དུའང་མ་ལྟ་ཡེ་ཤེས་ཆེན་པོ་ཉིད་མྱོང་བ། ། འཁོར་བའི་དུག་རྣམས་ཞི་བར་ནུས་པའི་རྣལ་འབྱོར་པས། ། དགེ་སློང་གཞུ་འདྲ་རྒྱལ་སྲིད་ཀུན་ལ་དབང་སྒྱུར་བྱེད། ། མིག་ནི་མི་འཛུམས་བསྒོམ་དུ་མེད་པའི་རྣལ་འབྱོར་པ། ། དབེན་པའི་གནས་དང་གནས་མལ་མེད་པའི་གནས་ཉིད་དུ། ། ཆགས་དང་སྡང་བ་སྤངས་པའི་དྲི་མ་མེད་པའི་ཡིད། ། དོན་དམ་སེམས་ཀྱི་ངོ་བོ་དེ་ནི་བསྒོམ་པར་བྱ། ། ཨེ་མ་མཁའ་འགྲོ་གསང་བའི་སྐད། ། དཀྱིལ་འཁོར་པ་དང་སྦྱིན་སྲེག་པས་སྟོང་ཞིང་། ། སྔགས་དང་ཕྱག་རྒྱ་རབ་གནས་ལ་སོགས་རྣམ་བྲལ་བ། ། རྒྱུད་དང་བསྟན་བཅོས་ཀུན་གྱི་བསྒྲུབ་པར་མི་ནུས་པའི། ། རྡོ་རྗེ་ཡེ་ཤེས་འདི་ནི་རང་བཞིན་གནས་ན་མཛེས། ། གཅིག་གིས་གོ་བར་ནུས་པ་རིན་ཆེན་བརྡ་ཡི་མཆོག།

One should meditate on that wisdom unstained by extremes. The mind, devoid of meditation and an object of meditation, is free from intrinsic nature. The ultimate state, free from hope and fear, is the vajra mind. Even if one were to go to hell, there would be no suffering for such a one. Even if one dwells in the highest states of existence and fruition, nothing superior is found. Having abandoned the benefit and harm of both pleasure and pain, there is no increase or decrease through good or bad conduct. Apart from this wisdom free from dualistic conceptualization, if one desires a "greater" Buddha, know that to be delusion. If one does not seek anything with a mind free of activity, there is no need to seek qualities, and one is free from their opposites. Since that very reality is not found through any causes or treatises, the mind free of longing is devoid of the stains of causality. Without looking anywhere, experience the great wisdom itself. The yogi who is able to pacify the poisons of saṃsāra rules over all kingdoms like a bow-like monk. The yogi of non-meditation, with unblinking eyes, in a secluded place or a place without a fixed abode, with a stainless mind that has abandoned attachment and aversion, should meditate on that ultimate essence of the mind. Ema! This is the secret language of the ḍākinīs. Empty of maṇḍalas and fire offerings, free from mantras, mudrās, consecrations, and the like, this vajra wisdom, which cannot be accomplished by any tantra or treatise, is beautiful when abiding in its own nature. This supreme jewel of symbols is that which can be understood by one alone.

སྦྲུལ་གྱི་གཟེབ་ལྟར་གཞན་ལ་མཛེས་པ་ཡོད་མ་ཡིན། ། སྙིང་པོས་སྙིང་པོ་མཚོན་པ་བླ་མ་མཆོག་དག་ལས། ། རྟོགས་པས་གཞན་ལ་མཚོན་ཏེ་དེ་ཉིད་རང་ལ་མཚོན། ། ནམ་མཁའ་ནོར་བུ་ཉི་མ་ལྟ་བུའི་མཐུ་མངའ་བ། ། ཐིག་ལེ་གསུམ་དང་ཡིད་དྲན་པ་དང་དྲན་མེད་དང་། ། སྦྱོར་བའི་སྒྲ་སོགས་གང་ལའང་སྤྱོད་པར་ནུས་རུང་བའི། ། གསེར་འགྱུར་རྩི་ལྟར་ཆོས་རྣམས་ཐམས་ཅད་རོ་མཉམ་འགྱུར། ། ལམ་སྦྱང་བ་ལ་གཉུག་མའི་ཡེ་ཤེས་གཅིག་པུ་གཅིག། ལམ་ཉིད་བརྡས་སྟོན་པ་ནི་བླ་མ་མཆོག་དག་ལ། ། གཟུགས་སྒྲ་དྲི་རོ་རེག་དང་ཆོས་ལ་བརྟེན་པར་བྱ། ། ཆོས་རྣམས་ཐམས་ཅད་རྐྱེན་མེད་པར་ནི་སྐྱེ་མ་ཡིན། ། མ་སྐྱེས་པ་ལ་མཁས་པའི་སྐལ་ལྡན་དེ་དག་གིས། ། སྐྱེས་པ་ཐམས་ཅད་ལ་ནི་ཤུགས་ཀྱིས་མཁས་པར་འགྱུར། ། ཐ་མི་དད་པའི་ཡེ་ཤེས་ཁོ་ན་གཅིག་པུ་ཉིད། ། རང་བཞིན་གཞག་པའི་སེམས་ཀྱིས་རང་ལ་ཁྱབ་པར་འགྱུར། ། བདག་དང་གཞན་དུ་སྣང་བའི་རང་བཞིན་གཅིག་ཤེས་ཤིང་། ། དེ་ཉིད་ཁོ་ན་མ་ཡེངས་པ་ཡིས་ཡོངས་བཟུང་སྟེ། ། དེ་ཉིད་སེམས་ཀྱི་ཟུག་རྔུ་ཡིན་ཕྱིར་བཏང་ནས་ཀྱང་། ། གང་ལའང་ཞན་པ་མེད་པས་བདེ་བ་ལེན་པར་བྱེད། ། སེམས་ལ་གནོད་པའི་ལས་ནི་ཐམས་ཅད་ཀྱིས་སྟོང་ཞིང་། ། རྙེད་དང་ལེན་པའི་བྱ་བ་གང་གིས་གོས་པ་མེད། ། རྩོལ་དང་བྲལ་ཞིང་གནས་སྐབས་གློ་བུར་རྐྱེན་མེད་པར། ། སྣང་བ་སྣ་ཚོགས་ཕྱག་རྒྱ་འདི་ནི་གཟིགས་མོར་ཆེ། ། ཐམས་ཅད་ཐམས་ཅད་དམ་པའི་དུས་སུ་ཉེར་མཐོང་ནས། ། བླ་མར་མ་གྱུར་ཆོས་ནི་གང་ཡང་ཡོད་མ་ཡིན། ། བར་སྣང་མཛུབ་མོས་མཚོན་པས་བར་སྣང་མཐོང་བ་མེད། ། བླ་མས་མཚོན་པའི་བླ་མ་དེ་ཡང་དེ་བཞིན་ནོ། །

Like a snake in a basket, there is no beauty in what is other. From the supreme gurus, the essence is indicated by the essence; through realization, it is indicated to others, and that very reality is indicated to oneself. Possessing power like the sky, the jewel, or the sun, one is able to engage with the three bindus, the recollection of the mind, non-recollection, and the sounds of the yoga and so forth. Like an alchemical elixir, all phenomena become of one taste. For the training on the path, there is only the single innate jñāna. The path itself is shown through symbols by the supreme gurus; one should rely upon forms, sounds, smells, tastes, touches, and phenomena. All phenomena do not arise without conditions. Those fortunate ones skilled in the unborn will, by the force of that, become skilled in all that is born. The single, indivisible jñāna alone will pervade oneself through a mind resting in its natural state. Knowing the nature of what appears as self and other to be one, and grasping that very reality without distraction, one abandons even the "thorn" of the mind regarding that reality; by having no attachment to anything, one attains bliss. Empty of all actions that harm the mind, unstained by any activity of gain or grasping, free from effort and without adventitious conditions, this mudrā of diverse appearances is a great spectacle. Having seen everything as everything at the sublime time, there is no phenomenon whatsoever that has not become the guru. Just as pointing a finger at the sky does not see the sky, the guru indicated by the guru is likewise so.

བརྟུལ་ཞུགས་སྤྱོད་པའི་རྣལ་འབྱོར་པ་ནི་གྲོང་ཁྱེར་སེམས། ། རྒྱལ་པོའི་ཕོ་བྲང་འཇུག་ཅིང་བུ་མོ་དང་རྩེ་ཡང་། ། སྐྱུར་བ་སྔར་ཟོས་པ་ཡིས་སྐྱུར་བ་མཐོང་བ་བཞིན། ། ཡུལ་རྣམས་ཐམས་ཅད་དེ་བཞིན་ཉིད་དུ་རིག། ཚོགས་ཀྱི་འཁོར་ལོ་ཉེ་བར་བརྒྱན་པའི་གནས་ཉིད་དུ། ། ཀུན་དུ་རུ་ཡི་སྐབས་སུ་བདེ་བ་ཆེ་མཐོང་ནས། ། བརྡ་དང་དམ་ཚིག་ལྡན་པའི་རྣལ་འབྱོར་རྣམས་ཀྱིས་ནི། ། སྲིད་དང་ཞི་བ་མཉམ་པ་ཉིད་ལེགས་ཕྱག་རྒྱ་ཆེ། ། ཨེ་མ་མཁའ་འགྲོ་གསང་བའི་སྐད། ། ཡེ་ཤེས་སྐྱེས་པའི་རྣལ་འབྱོར་གང་ལའང་དོགས་མེད་པས། ། དབང་ཕྱུག་ཐབས་དང་ལྡན་པས་མཐར་སྐྱེས་བཙལ་བར་བྱ། ། དམན་པའི་གྲོང་ཁྱེར་ཞུགས་ནས་གང་དང་མཐུན་པ་ལ། ། ཆུང་ངུ་ཆུང་ངུས་བྲིད་ཅིང་ཆེན་པོ་དེ་ལ་སྦྱིན། ། དེ་ཡིས་བསྙེན་བཀུར་བྱས་པའི་རྫས་ནི་ཇི་སྙེད་པ། ། བདག་གིར་མེད་པའི་སེམས་ཀྱིས་དེ་ལ་གཏད་པར་བྱ། ། ཀུན་དུ་འཁྱམ་ཞིང་མཚན་མ་རབ་ཏུ་བརྟག་བྱ་སྟེ། ། རིགས་དང་ཁ་དོག་མཚན་མའི་ཚོགས་ཀྱིས་རིམ་ཤེས་བྱ། ། རང་གི་བུ་མོ་མ་དང་སྲིང་མོ་ཚ་མོ་དང་། ། གཡུང་མོ་ཚོས་མ་སྨད་འཚོང་གསོ་རས་ཀྱིས་འཚོ་བ། ། སྔོ་བསངས་དང་ནི་དཀར་ཤམ་དམར་སེར་སྨུག་ནག་མ། ། སྨེ་བ་ཅན་ལ་རྒྱུད་སྦྱར་སླ་བའི་ཕྱག་རྒྱ་ནི། ། བཅུ་དྲུག་ལོ་ལོན་རབ་ཏུ་མཛེས་པ་སྐྲ་སེར་ལི། ། ཨུཏྤ་ལ་ཡི་དྲིས་ཁྱབ་ནུ་མ་སྲ་མཁྲེགས་རྐེད་པ་ཕྲ། ། སྨད་ཀྱི་ཞེང་རྒྱས་བྷ་ག་རུབ་ཅིང་ཆགས་པའི་མདངས། ། རྐྱང་མ་དང་བཅས་གསང་ཐུབ་གུས་པས་རབ་ཏུ་གཞོལ། ། དད་པ་རབ་ཏུ་བརྟན་ཞིང་རྟོག་པ་ཆུང་གྱུར་པ། ། རྟགས་གསུམ་ལྡན་པའི་ཕྱག་རྒྱ་དབང་གིས་སྨིན་པར་བྱ། །

The yogi who practices the ascetic conduct enters the city of the mind; though he enters the royal palace and sports with maidens, just as one who has previously eaten sour food perceives sourness, he recognizes all objects as suchness. In the very place adorned by the gaṇacakra, having perceived great bliss during the occasion of kunturū, the yogis who possess the signs and the samaya [attain] the Great Seal (mahāmudrā), the equality of existence and peace. Ema! The secret language of the ḍākinīs: for any yogi in whom wisdom has arisen, there is no doubt. Possessing the methods of mastery, one should seek a woman born at the end. Having entered a lowly city, one should entice whoever is compatible with small things and give the great to them. Whatever materials are offered in service by her, one should entrust them to her with a mind free of possessiveness. Wandering everywhere, one should thoroughly examine the signs; one should gradually recognize the collection of lineages, colors, and marks. One’s own daughter, mother, sister, or niece, a ḍombī, a dyer, a prostitute, or one who lives by weaving—whether dark blue, pale white, orange-red, or dark brown, or one with moles—these are the mudrās for whom the tantra is easily applied. A sixteen-year-old, exceedingly beautiful, with golden-brown hair, pervaded by the scent of the utpala, with firm and hard breasts and a slender waist, with broad hips and a tight vulva (bhaga) and a lustful luster, with a straight gait, capable of secrecy, and devoted with great respect; one who is very stable in faith and has few discursive thoughts—such a mudrā, possessing the three signs, should be ripened through empowerment.

ཡོན་ཏན་བཟུང་ན་རང་གིས་རིག་པའི་ཡེ་ཤེས་སྦྱིན། ། སྐབས་སུ་རོ་སྙོམས་གཉུག་མའི་ཡེ་ཤེས་ཕྱག་རྒྱ་བཟུང་། ། བཙུན་མོའི་ཤུ་ཀྲ་དགུག་པའི་ཕྱག་རྒྱ་ཆེན་མོ་ནི། ། དུས་ཀྱིས་བསྡུ་བ་བྱས་ནས་རྟོག་མེད་མཁའ་ལ་བསྟིམ། ། རེས་འགའ་ཚོང་དུས་གནས་ན་ཇི་ལྟར་འདུག། དོན་གྱིས་དོན་ལ་བལྟས་ནས་དོན་ཉིད་གར་དགར་བཏང་། ། རེས་འགའ་དུར་ཁྲོད་ཞུགས་ནས་སྒྲོན་མ་དག་ལ་སྤྱོད། ། ཉམ་ང་མེད་པའི་སེམས་ཀྱིས་ཡི་དྭགས་གནས་སུ་ཉལ། ། གདོལ་པ་རྣམས་དང་འགྲོགས་ཏེ་རོ་ཡི་འཁོར་ལོ་དྲང་། ། འདི་བྱ་མེད་པའི་སྤྱོད་པ་ཚད་དུ་གཟུང་མི་བྱ། ། གླུ་གར་གླིང་བུ་རྩེད་འཇོ་རོལ་མོའི་ཚོགས་སུ་འཇུག། ཧེ་རུ་ཀ་ཡི་གར་དང་དྲུག་ལ་སྐྱེས་སོགས་གླུས། ། སེམས་ལ་གཟེངས་བསྟོད་ཅུང་ཟད་སྐྱོ་བར་མི་བྱའོ། ། རྒྱབ་ཏུ་ལ་བ་བགོ་ཞིང་ཡན་ལག་ཟངས་མས་སྤྲས། ། འཁོར་ལོ་ལྡན་པའི་ཐོར་ཚུགས་སྤྱི་གཙུག་དག་ཏུ་གཟུང་། ། རུས་པའི་དུམ་བུས་ཡན་ལག་ཀུན་ལ་བརྒྱན་བྱས་ནས། ། གླང་ཆེན་སྟག་གི་པགས་པས་སྟོད་དང་སྨད་དཀྲིས་ཏེ། ། ཁ་ཊྭཱཾ་དྲིལ་བུར་ལྡན་པ་ལག་ཏུ་ཐོགས་པར་བྱ། ། གླང་ཆེན་སྨྱོན་པའི་སྤྱོད་པ་ལྐུགས་པ་བྱས་ནས་ནི། ། བྱ་མེད་མི་བྱ་མེད་པའི་སྤྱོད་པ་རང་ཤུགས་ཀྱིས། ། གླང་ཆེན་མཚོ་རུ་ཞུགས་འདྲ་རྟག་ཏུ་སྨྱོན་སེམས་ཀྱིས། ། དམན་པའི་ཆོས་རྣམས་སྤྱད་ན་གྲོལ་བར་མདའ་བསྣུན་སྨྲ། ། ཨེ་མ་མཁའ་འགྲོ་གསང་བའི་སྐད། ། སྣ་ཚོགས་ཆོས་རྣམས་ཐམས་ཅད་རོ་གཅིག་པར། ། སྟོན་པར་བྱེད་པ་བླ་མ་དམ་པ་ཉིད་ཡིན་ཏེ། ། ངང་པའི་མཆུ་དང་མཚུངས་པའི་རྗེ་བཙུན་མཆོག་དེ་ནི། ། གུས་པའི་སེམས་ཀྱིས་གཙང་མའི་སྤྱི་བོར་བླང་བར་བྱ། །

If one grasps at qualities, one’s own primordial wisdom of awareness is bestowed. At times, one should hold the mudrā of the innate primordial wisdom of equal taste. The Great Mudrā that summons the queen’s śukra is to be gathered by the timing and dissolved into the non-conceptual sky. Sometimes, when staying in a marketplace, how does one remain? Looking at the ultimate with the ultimate, one lets the ultimate go wherever it pleases. Sometimes, entering a charnel ground, one enjoys the lamps. With a fearless mind, one sleeps in the abode of hungry ghosts. Associating with outcasts, one draws the wheel of corpses. This conduct of non-action should not be grasped as a fixed measure. One enters into assemblies of song, dance, flutes, play, and music. With the dance of Heruka and songs of the six-born and so forth, one uplifts the mind and should not feel even the slightest weariness. On the back, one wears a woolen cloak, and the limbs are adorned with copper. A topknot with a wheel is held at the crown of the head. Having decorated all the limbs with fragments of bone, one wraps the upper and lower body in the skins of an elephant and a tiger. One should hold a khaṭvāṅga and a bell in the hands. Having acted like a mad elephant and become like a mute, through the spontaneous conduct of neither doing nor not doing, one is like an elephant entering a lake. Saraha says that if one practices the "lowly" dharmas, one will be liberated. Ema! The secret language of the ḍākinīs: the sublime Guru is the one who shows that all diverse phenomena are of one taste. That supreme venerable one, who is like the beak of a swan, should be taken upon the crown of the head with a devoted mind.

གཅིག་ཏུ་བསྡུས་པའི་སེམས་ནི་མཚོན་བྱེད་བླ་མ་སྟེ། ། མཚོན་པར་བྱ་བའི་གཞི་ནི་སློབ་མའི་སྙིང་ཉིད་དོ། ། དེ་རྟོགས་པ་ཡིས་སྡུག་བསྔལ་ཐམས་ཅད་སྐད་ཅིག་ལ། ། འཇོམས་པར་བྱེད་པའི་དཔའ་བོ་དེ་ནི་དྲིན་ཅན་པས། ། དོན་ལ་བལྟས་ནས་བྱས་པ་དྲིན་དུ་གཟོ་བའི་ཕྱིར། ། སྨན་པའི་རྒྱལ་པོ་དེ་ནི་རྟག་ཏུ་གཟུང་བར་བྱ། ། འཁོར་བའི་རྒྱ་མཚོ་ཟབ་ཅིང་རྒྱ་ཆེ་ལས། ། སྒྲོལ་བའི་གྲུ་མཆོག་དེ་ནི་གཞན་མེད་དེ། ། དམ་པའི་གྲུ་ལ་བརྟེན་ནས་བདེ་ཆེན་རྙེད་གྱུར་པའི། ། སྟོབས་ཆེན་གཉེན་པ་དེ་ནི་གཡོ་མེད་ཀུན་གྱིས་བཀུར། ། ཡེ་ཤེས་ཉི་མ་ལྟ་བུའི་འོད་ཟེར་དག་པ་ཡིས། ། མ་རིག་རིག་པར་བྱེད་པའི་སྐྱེས་བུ་མཆོག་དེ་ནི། ། གསེར་འགྱུར་རྩི་ལྟར་ཆོས་རྣམས་ཐམས་ཅད་བདེ་བར་སྒྱུར་མཛད་པའི། ། ཐབས་ལ་མཁས་པ་འཁོར་ལོས་སྒྱུར་རྒྱལ་རྟག་ཏུ་བསྟེན། ། ཆུ་བོ་ལྟ་བུའི་སེམས་ཀྱིས་གཉིས་ལྟ་ཟིལ་གནོན་ཅིང་། ། གང་ཡང་མ་སྤངས་གོས་པ་མེད་པའི་ཡེ་ཤེས་ལྡན། ། བློ་མ་བཅོས་ཤིང་བློ་ཡི་རྣམ་པ་གནས་གྱུར་པ། ། བླ་མ་དམ་པའི་ཞལ་གྱི་བདུད་རྩི་ལས་ནི་བྱུང་། ། སེམས་དང་སེམས་ལས་བྱུང་ཞེས་ཐ་སྙད་པ་རྣམས་ཀྱིས། ། བརྟག་པ་འདི་ནི་རྣལ་འབྱོར་པ་ཡི་གྲོགས་རྣམས་སུ། ། སྒྱུར་བར་བྱེད་པ་བླ་མའི་ཞལ་གྱི་པདྨོ་སྟེ། ། ཐམས་ཅད་དགེ་བའི་བཤེས་སུ་བསྒྱུར་བ་དེ་ལས་བྱུང་། ། རྒྱུད་རྣམས་ཀུན་དུ་སྤྲས་ཤིང་ཐ་སྙད་ཀྱིས་དབེན་པ། ། སངས་རྒྱས་རྣམས་ཀྱི་གསང་བ་སུས་ཀྱང་ཤེས་མི་འགྱུར། ། མན་ངག་མིག་གིས་མཐོང་ཞིང་དབང་བའི་རོས་ཁྱབ་པ། ། ཞབས་ཀྱི་རྡུལ་ལ་རེག་ན་ཡེ་ཤེས་རིག་པར་འགྱུར། །

The mind unified as one is the guru who points it out; the basis to be pointed out is the very heart of the disciple. By realizing that, all suffering is destroyed in an instant; that hero who performs such a deed is the benefactor. Looking at the actual meaning, in order to repay his kindness, one should always hold fast to that King of Physicians. There is no other supreme vessel for crossing the deep and vast ocean of saṃsāra. Relying on the boat of the sublime, one finds great bliss; that powerful friend is honored by all without wavering. With the pure rays of the sun of primordial wisdom, that supreme being transforms ignorance into knowledge. Like an alchemical elixir, he transforms all phenomena into bliss; rely always on that skillful sovereign, the Universal Monarch. With a mind like a river, he overwhelms dualistic views; possessing primordial wisdom that is unstained and abandons nothing. The uncontrived intellect, in which the aspects of the mind have been transformed, arises from the nectar of the sublime guru’s speech. Those who use the conventional terms "mind" and "mental factors" are transformed into companions for the yogi by the lotus face of the guru; everything is transformed into a spiritual friend, and it is from him that this arises. Adorned throughout all the tantras and free from conventional designations, the secret of the Buddhas is not known by anyone else. Seen with the eye of pith instructions and pervaded by the taste of empowerment, if one touches the dust of his feet, primordial wisdom will be realized.

སྣ་ཚོགས་དངོས་པོའི་ཆོས་ལ་སྟོང་པའི་མདའ་འཕེན་དང་། ། སྟོང་པ་སྣང་བའི་ཐབས་ཀྱིས་མྱོང་བར་འགྱུར་བྱེད་པ། ། ཤེས་རབ་ཤེས་པས་སྣང་བ་གཞལ་བྱར་མཐོང་བ་སྟེ། ། ཤེས་རབ་དེ་ནི་བླ་མེད་སློབ་དཔོན་དག་ལས་འབྱུང་། ། ཉོན་མོངས་ཐམས་ཅད་ཐབས་ཀྱིས་མཆོག་ཏུ་སྒྱུར་བྱེད་དང་། ། རྟོག་པའི་ཟུག་རྔུ་གང་གིས་སྒྱུར་བར་མི་ནུས་པ། ། འདི་ནི་མན་ངག་སྙིང་པོ་ལས་ནི་ངེས་འབྱུང་དང་། ། དེ་ཡང་རྗེ་བཙུན་མཐུ་ལས་ངེས་པར་རྙེད་པར་འགྱུར། ། དེ་ཕྱིར་རྒྱུད་པར་ལྡན་པའི་བྱིན་རླབས་གང་ལྡན་པ། ། དུས་ཐབས་བསྟེན་པ་མཁས་པས་རྟག་ཏུ་བསྟེན་པར་བྱ། ། ཨེ་མ་མཁའ་འགྲོ་གསང་བའི་སྐད། ། ཐབས་དང་ཤེས་རབ་རང་བཞིན་མཉམ་པ་ཉིད་རྟོགས་ནས། ། འོད་གསལ་ལས་ནི་ལྷན་ཅིག་སྐྱེས་པ་རྙེད་པར་འགྱུར། ། ཟླ་བ་རྒྱས་འདྲ་བ་ནི་གོམས་པ་ལས་བྱུང་སྟེ། ། གསལ་བར་བྱེད་པ་སཱ་ལུ་ཉི་ཟླའི་འོད་འདྲར་སྤྱོད། ། དངོས་གྲུབ་ཀུན་གྱི་རྩ་བ་རྡོ་རྗེ་སློབ་དཔོན་ཡིན། ། ལེགས་པར་སྦྱངས་པ་རྒྱུ་ཉིད་འབྲས་བུ་ཀུན་གྱི་ལུས། ། བདེ་བར་གཤེགས་པའི་བཀའ་དང་མཐུན་པར་བྱ་བའི་ཕྱིར། ། བྱང་ཆུབ་སེམས་དཔའ་བདེ་བའི་མགོན་པོས་ལེགས་གསུངས་པ། ། ཆོས་ཀྱི་སྐུ་དང་ལོངས་སྤྱོད་རྫོགས་དང་སྤྲུལ་པའི་སྐུ། ། ངོ་བོ་ཉིད་ཀྱི་སྐུ་ནི་རྒྱུ་འབྲས་རབ་ཤེས་བྱ། ། སྒྲོ་སྐུར་གཉིས་ཀྱིས་སྟོང་པ་གཉིས་མེད་ཆོས་ཡིན་ཏེ། ། ངོ་བོ་ཉིད་ཀྱི་བདེ་བ་དེ་ནི་ལོངས་སྤྱོད་ཆེ། ། སྣ་ཚོགས་པ་ཡིས་འགྲོ་བ་ཐམས་ཅད་སྤྲུལ་པ་ལས། ། དབྱེར་མེད་ཡེ་ཤེས་ཉིད་ནི་ཀུན་གྱི་བདག། སྐྱེད་པར་བྱ་དང་བྱེད་པའི་རང་བཞིན་མི་དམིགས་ཀྱང་། །

One shoots the arrow of emptiness at the phenomena of diverse entities, and through the method of emptiness appearing, one comes to experience them. By knowing with insight, one sees appearances as the object of evaluation; that insight arises from the unsurpassed masters. It transforms all afflictions into the supreme method, and is that which no conceptual thorn can alter. This emerges from the essence of the pith instructions, and it will certainly be found through the power of the Venerable One. Therefore, the wise should always rely upon those who possess the blessings of the lineage, relying upon them at the proper time and through the proper method. Ema! The secret language of the ḍākinīs: having realized the equality of the nature of method and insight, the coemergent is found from the clear light. Arising from cultivation, it is like the full moon; it acts with clarity like the light of the sun and moon. The Vajra Master is the root of all accomplishments. Thoroughly purified, the cause itself is the body of all results. In order to act in accordance with the word of the Sugatas, the Bodhisattva, the Protector of Bliss, spoke well: the dharmakāya, sambhogakāya, nirmāṇakāya, and svabhāvakāya should be understood as cause and result. The non-dual dharma is empty of both superimposition and denial; that natural bliss is the great enjoyment. Through its diversity, it emanates all beings, yet the inseparable wisdom itself is the lord of all. Although the nature of the produced and the producer is not observed, [it remains].

གོམས་པའི་མཐུ་ཡིས་དོགས་པ་ཐམས་ཅད་ཟིལ་མནན་ནས། ། འབྲས་བུ་གཉིས་ནི་རང་དང་གཞན་དོན་ཕུན་ཚོགས་ཡིན། ། རྒྱུ་དང་འབྲས་བུར་བཏགས་ཀྱང་ངོ་བོ་དེ་དབྱེར་མེད། ། སྨོན་ལམ་སྙིང་རྗེའི་སྟོབས་ཀྱིས་གཟུགས་སྐུ་རྣམ་གཉིས་འབྱུང་། ། བུམ་པ་བཟང་དང་དཔག་བསམ་ཤིང་དང་ནོར་བུ་རིན་ཆེན་ལྟར། ། གང་གིས་བཟུང་བ་མེད་པའི་སྐུ་ནི་རབ་ཏུ་མཛེས། ། གདུལ་བྱ་རྣམས་ལ་སྣ་ཚོགས་པ་ཡི་གཟུགས་ཤར་བས། ། དེ་དག་ཐམས་ཅད་བསམ་མི་ཁྱབ་པའི་སྤྲུལ་པ་སྟེ། ། བསམ་དུ་མེད་པའི་ཡེ་ཤེས་རང་བྱུང་གང་བསྒོམ་པ། ། དེར་ནི་འབྲས་བུ་མ་ལུས་བསྒོམ་པར་འགྱུར་བ་ཡིན། ། ཐེག་པ་ཆེན་པོ་བླ་མེད་སྙིང་པོའི་ལམ་འདི་ནི། ། འབྲས་བུ་ལམ་དུ་ཁྱེར་ནས་གདོད་ནས་འབྲས་བུར་གནས། ། གཞན་དོན་ཕུན་སུམ་ཚོགས་པ་འབྲས་བུའི་མཆོག་ཡིན་ཏེ། ། སྦྱངས་པ་གཙོ་བོར་གྱུར་པ་སོགས་ལས་དེ་ནི་འབྱུང་། ། གྲོལ་བ་ཆེན་པོ་ལས་སྦྱངས་རེ་བ་མེད་པའི་སེམས། ། རྒྱུན་མི་འཆད་པའི་མཐུ་ལས་ངེས་པ་རྙེད་པར་འགྱུར། ། སྐྱེས་བུ་རིན་ཆེན་གང་ལ་ལྷ་རྫས་འདི་སྐྱེས་པས། ། གདུག་པ་མ་ལུས་ཐམས་ཅད་སྐད་ཅིག་ཉེར་ཞི་ཐིམ། ། སེངྒེ་གླང་ཆེན་སྨྱོན་དང་སྟག་དང་དྲེད་མོ་དང་། ། གཅན་ཟན་ཁྲོ་བོ་དུག་སྦྲུལ་མེ་དང་གཡང་ས་དང་། ། རྒྱལ་པོའི་ཆད་པ་དུག་དང་ཐོག་དང་ལྕེ་འབབ་པ། ། ཐམས་ཅད་ངོ་བོ་དེ་ཉིད་ཡིན་ཕྱིར་གནོད་པ་མེད། ། རྣམ་རྟོག་དགྲ་ཆེན་ཆོམས་པས་དགྲ་འདི་ཐམས་ཅད་ཆོམས། ། བདག་ལྟའི་གདུག་པ་ཐུལ་བས་གདུག་པ་ཐམས་ཅད་ཐུལ། ། དེ་ཕྱིར་སེམས་ཀྱི་ནོར་བུ་འདི་ནི་དམ་པར་བྱོས། ། ཨེ་མ་མཁའ་འགྲོ་གསང་བའི་སྐད། །

Through the power of familiarization, all doubts are overwhelmed; the two results are the perfect fulfillment of one’s own and others’ welfare. Although designated as cause and result, their essence is indivisible. Through the power of aspiration and compassion, the two form bodies arise. Like a vase of plenty, a wish-fulfilling tree, or a precious jewel, the body that is not grasped by anyone is most beautiful. By appearing in various forms to those to be trained, all of these are inconceivable emanations. Whoever meditates on the self-arisen, inconceivable wisdom, therein all results without exception are meditated upon. This path of the essence of the unsurpassed Great Vehicle takes the result as the path and abides as the result from the very beginning. The perfect fulfillment of others’ welfare is the supreme result; it arises from the primacy of purification and so forth. From the great liberation, the mind free of hope for purification finds certainty through the power of the uninterrupted stream. When this divine substance is born within a precious person, all venomous things without exception are pacified and dissolved in an instant. Lions, mad elephants, tigers, bears, fierce beasts of prey, poisonous snakes, fire, and precipices; royal punishments, poison, lightning, and falling thunderbolts—all are without harm because their essence is that very reality. By defeating the great enemy of conceptual thought, all these enemies are defeated. By subduing the venom of the view of self, all venom is subdued. Therefore, hold this jewel of the mind as sacred. Ema! The secret language of the ḍākinīs.

སྐུ་དང་གསུང་དང་ཐུགས་ཀྱི་གསང་བ་གང་རིག་པ། ། སྐྱེས་བུ་དེ་ལ་གདུག་པའི་ལྐུགས་པ་ཡོད་མ་ཡིན། ། ལས་རྣམས་གང་ལའང་དགེ་དང་སྡིག་པ་གཉིས་རྟོགས་པ། ། གང་ཞིག་རྩོལ་བ་དེ་ནི་གདུག་པའི་སྦྱོར་བར་བཤད། ། གང་ཟག་གིས་སྤྱོད་དེ་ནི་རང་གིས་རང་བཅིངས་པའོ། ། མོས་པ་རྒྱུན་ཆགས་པ་ཡི་ནད་ཀྱིས་འཁོར་བར་ལྟུང་། ། རྟོག་གེས་དགོས་པ་མེད་ཅིང་སྔ་མས་ཆོག་པར་ཟད། ། གང་ལ་དམིགས་ཀྱང་དམིགས་པ་དེ་ཡིས་ཐར་པ་སྒྲིབ། ། བཟང་པོར་རྟོགས་ཀྱང་དེ་ཡི་ནད་ཀྱིས་འཁོར་བར་ལྟུང་། ། དམན་པའི་ལས་ལ་བརྟག་ན་རྣམ་སྨིན་རྒྱུན་མི་འཆད། ། བརྟག་པ་མེད་པའི་སེམས་ནི་ནམ་མཁའ་ལྟ་བུར་གནས། ། ནམ་མཁའ་གནས་པ་མེད་པ་དེ་ཉིད་ཐ་སྙད་བྲལ། ། བྲལ་བའི་སེམས་ལ་བརྟག་དང་དཔྱད་པ་མི་དགོས་ཀྱི། ། རང་བཞིན་གཞག་པ་ཇི་ལྟ་བུ་ཉིད་དེ་ལྟ་ཉིད། ། འབྲས་བུ་ཐོགས་པ་མེད་པ་གདོད་ནས་རང་ལ་གནས། ། དེ་ཕྱིར་རེ་དང་དོགས་པའི་གཉེན་པོས་འཆིང་མི་དགོས། ། བརྡ་དང་ཐ་སྙད་བཏགས་པ་ཀུན་ཀྱང་དེ་བཞིན་ཏེ། ། ཡང་དག་མ་ཡིན་ཡིན་པ་མཁས་པ་ཀུན་གྱི་ཡུལ། ། རྒྱུ་དང་འབྲས་བུ་དབྱེར་མེད་འདི་ནི་སྙིང་པོའི་སེམས། ། དེ་མྱོང་བ་ཡི་འབད་པས་ཀུན་ལས་བཙལ་མི་དགོས། ། དམ་པ་བསྟེན་དང་ཉེན་དང་ཐོས་པ་ལྷུར་ལེན་དང་། ། ཡོན་ཏན་དབང་ལས་འབྱུང་ཞེས་བྱིན་རླབས་ནོད་པ་དང་། ། ཏིང་འཛིན་བློར་གཞག་ནས་ནི་སྦྱོར་དང་སྒོམ་པ་དང་། ། ཕན་ངེས་སྔོན་དུ་སོང་ནས་བརྟུལ་ཞུགས་གང་སྤྱོད་པ། ། དེ་དག་ཐམས་ཅད་ལོག་རྟོག་བཅོས་མ་ལ་སྤྱོད་ཡིན། ། སྙིང་པོའི་སེམས་ནི་སྐྱོན་དང་ཡོན་ཏན་རྣམས་དང་བྲལ། ། དོན་དེ་ཉིད་ནི་བྱ་བ་གང་ཡང་མི་དགོས་ཀྱི། །

Whoever realizes the secrets of body, speech, and mind, that person possesses no malicious muteness. To discern between virtue and non-virtue in any action, and to exert effort therein, is explained as a malicious application. Such conduct by an individual is binding oneself by one's own hand. Falling into saṃsāra through the chronic disease of attachment, one finds no purpose in logic and is satisfied with the past. Whatever one focuses upon, that very focus obscures liberation. Even if one perceives it as excellent, the disease of that perception causes one to fall into saṃsāra. If one examines inferior actions, the ripening of karma will be uninterrupted. The unexamined mind abides like space. That very space, which has no abiding, is free from conventional designations. For the mind that is free, there is no need for examination or analysis; its natural state is just as it is. The unimpeded fruit has resided within oneself from the beginning. Therefore, there is no need to be bound by the remedies of hope and fear. All signs, conventions, and designations are likewise so; that they are not truly existent is the domain of all the wise. This inseparability of cause and effect is the essential mind. There is no need to seek it anywhere through the effort of experiencing it. To rely on holy beings, to associate with them, to strive in hearing the teachings, to receive blessings through the power of qualities, to place meditative concentration in the mind and then apply it in practice and meditation, or to engage in any ascetic discipline preceded by a certainty of benefit—all of these are practices of fabricated, distorted conceptions. The essential mind is free from both faults and virtues. For that very reality, no action whatsoever is required.

བྱ་བ་བཏང་བའི་སེམས་ནི་བདེ་བ་ཆེ་མཆོག་ཉིད། ། ལྔ་རིག་ལ་སོགས་ཞེ་འདོད་གདོན་གྱིས་ཟིན། ། དངོས་པོར་འཛིན་པའི་དུག་གིས་རང་གི་སེམས་ལ་ཁྱབ། ། ཕྱི་རོལ་སྤངས་པའི་སེམས་ནི་ནང་དུ་འཇོག་པ་ཅན། ། སྙིང་པོ་ལ་སྤྱོད་རྣམས་ཀྱིས་འདི་ཉིད་བསམ་པར་རིགས། ། རྟོག་གེ་སྤྲོས་པའི་སྦུན་པ་ཕྱིར་བསལ་ནས། ། གཉུག་མའི་དབང་པོ་དག་ལས་སྐྱེས་པ་ཡི། ། དོན་གྱི་སྙིང་པོ་བླ་ན་མེད་པ་འདི། ། རྟོགས་པས་བཅུ་བཞིའི་ས་ལ་གནས་པར་འགྱུར། ། རྣལ་འབྱོར་ཡེ་ཤེས་ཆེན་པོ་གང་འདོད་པ། ། རིམ་དང་ཅིག་ཅར་འཇུག་པའི་རིམ་ཆོས་ཀྱིས། ། ཡེ་ཤེས་མཆོག་གི་གོ་འཕང་སྙིང་པོ་རྣམས། ། བཀོད་པས་འགྲོ་རྣམས་ཕྱག་རྒྱ་ཆེ་ཐོབ་ཤོག། སྙིང་པོ་བླ་ན་མེད་པ་གཏན་ལ་དབབ་པ་དོ་ཧ་མཛོད་ཅེས་བྱ་བ། རྣལ་འབྱོར་གྱི་དབང་ཕྱུག་དཔལ་ས་ར་ཧ་པས་མཛད་པ་རྫོགས་སོ། ། ། ། རྒྱ་གར་གྱི་མཁན་པོ་བཛྲ་པཱ་ཎི་དང་། བླ་མ་ཨ་སུས་ཞུས། །

The mind that has relinquished activity is the supreme great bliss itself. It is seized by the demons of desire for the five sciences and the like; one's own mind is pervaded by the poison of grasping at things as real. Those who practice the essence should contemplate this very point: the mind that has abandoned the external is that which rests within. Having winnowed away the chaff of conceptual elaboration, this unsurpassed, ultimate essence born from the innate faculties—by realizing it, one will abide on the fourteenth stage. May all beings attain Mahāmudrā through the arrangement of these essential points of supreme wisdom, by means of the gradual and simultaneous stages of the dharma, for those yogis who desire great primordial wisdom. The Dohākośa, the definitive establishment of the unsurpassed essence, composed by the lord of yogis, the glorious Saraha, is complete. It was translated and edited by the Indian abbot Vajrapāṇi and the guru Asu.

Terminology used in this text (24)
TermRendering×Note
ཡེ་ཤེསwisdom12Distinguish from ཤེས་རབ (prajñā, 'insight'): ཡེ་ཤེས is the buddhas' non-dual wisdom, ཤེས་རབ the discriminating faculty o
ཆོསdharma7In Abhidharma lists (སྐྱེ་མཆེད, ཁམས) ཆོས is 'phenomena', the objects of mind — not the Buddhist teaching. Same word, two
བླ་མguru6
སངས་རྒྱསbuddha4The title, not a name. In Old Tibetan the spelling is usually སངས་རྒྱས already; the plural sense ('the buddhas') is carr
རྒྱལ་པོking3
སྡུག་བསྔལsuffering3
རིག་པknowledge3'awareness' belongs to the Dzogchen (11th c. onward) usage; in earlier tantras and in རིག་པ་དང་མ་རིག་པ it is 'knowledge'
ཆོས་ཀྱི་སྐུdharmakāya2
ཉོན་མོངསaffliction2
མེfire2In ritual and cosmological prose མེ is the element 'fire'; Agni is the deity only where he is named or invoked. Do not c
དམྱལ་བhell2A rebirth realm, not a place of eternal punishment; keep 'hell' (84000 practice) but do not add 'eternal'.
དམ་ཚིགsamaya2
ཟླ་བmoon; month2In calendrical and cosmological passages ཟླ་བ is 'month' (twelve months to a year) or 'moon', not the god Candra. Candra
ཕྱག་འཚལhomage1
རྒྱལ་བུprince1In place names རྒྱལ་བུ་རྒྱལ་བྱེད is Jetavana (the grove), not 'prince'. Match the whole compound before the bare noun.
ཆོས་ཉིདthe nature of phenomena1Not 'dharma-nature' in running prose; 84000 harmonises on 'the nature of phenomena'.
དགེ་སློངmonk1
དོན་དམultimate1
དཀྱིལ་འཁོརmaṇḍala1
སྔགསmantra1སྔགས་པ is a mantra-practitioner, not 'the mantric one'.
ཤེས་རབinsight1
སྤྲུལ་པའི་སྐུnirmāṇakāya1
ལྷgod1Standard 84000 rendering is 'god'; 'deity' where the text contrasts classes of beings.
མཁན་པོabbot1In colophons it is the Indian preceptor who authorised the translation; 'abbot' is wrong there. Use 'preceptor' in colop

Colophon

Source: tengyur vol. 052_རྒྱུད་འགྲེལ།_ཞི.txt. Derge Kangyur/Tengyur e-text, Esukhia/Barom edition — public domain (mechanical reproduction).

Translation status: Not among 84000's published translations. A bibliography of the canon lists 1 English-language publication(s) on this text, e.g. Jackson, Roger R., ″Saraha’s Queen Dohās ″ (2011). in _Yoga in Practice_ (ed. David Gordon White) Princeton: Princeton Univ. Pr., pp.162-184; tr. pp. 173-184 — these may include a full or partial translation. (source: 84000 catalogue + registry; checked 2026-11-10).

Set in Newsreader and EB Garamond; Tibetan in Noto Serif Tibetan; Chinese in Noto Serif SC.

Anuvāda · NaxiAI